Өнөөдөр улстөрийн хоёр гол нам УИХ-ын  24-р тойрогийн нөхөн сонгуульд нэр дэвших нэр дэвшигчдээ тодруулах юм. Тодруулбал МАХН-ын бага хурал, АН-ын Үндэсний зөвлөлдөх хороод хуралдах юм.

МАХН-ын нийслэлийн намын үүрүүдээс гарсан 5 хүнээс шигшин нийслэлийн намыг хурлаас Ерөнхийлөгч асан Н.Энхбаяр, Эрдэс баялаг Эрчим хүчний сайд Д.Зориг, Нийслэлийн ЗД-ын орлогч Ц.Цогцолмаа нар гарсан билээ. Харин дөнгөж сая МАХН-ын удирдах зөвлөлийн хуралдаж, хурлаас Эрдэс баялаг, эрчим хүчний сайд Д.Зоригтыг 24 дүгээр тойргийн нөхөн сонгуульд нэр дэвшүүлэхээр болжээ. Д.Зоригт удирдах зөвлөлийн гишүүдийн 75 хувийн саналыг авсан байна. Ингэснээр өнөөдөр МАХН-ын бага хурал болох бөгөөд Хэдийгээр удирдах зөвлөлөөс бага хуралд нэг нэр дэвшигч оруулж байгаа боловч үлдсэн хоёрын хувьд заалнаас дахин нэр дэвших боломжтой юм байна.

Харин одоо Чингэлтэй дүүргийн АН хуралдаж байгаа бөгөөд Ардчилсан намын ерөнхий нарийн бичгийн дарга Д.Эрдэнэбат, Нийслэлийн Засаг даргын орлогч Да.Ганболд, Чингэлтэй дүүргийн Ардчилсан намын дарга Б.Батбаатар, Сонгогчдын боловсролын төвийн захирал Р.Бурмаа нарын дотроос нэр дэвшигчдийг шалгаруулна. Үүний дараагаар Үндэсний зөвлөл хуралдах юм.