МҮЭ-ийн холбооноос 2022 оны Улсын төсөвт хүргүүлсэн саналд “Хөдөлмөрийн хөлсний доод хэмжээг шинэчлэн тогтоох, холбогдох санхүүжилтийг улсын төсөвт тусгах” асуудлыг 2021 оны 07 дугаар сард тавьж, Хөдөлмөр, нийгмийн түншлэлийн гурван талт Үндэсний хорооны хурлыг хуралдуулах асуудлыг удаа дараа тавьсан.

МҮЭ-ийн холбооноос Хөдөлмөр, нийгмийн түншлэлийн гурван талт Үндэсний хороог яаралтай хуралдуулан хөдөлмөрийн хөлсний доод хэмжээний тухай хууль, хөдөлмөр, нийгмийн түшлэлийн гурван талт 2021-2022 оны Улсын хэлэлцээрийн хүрээнд Хөдөлмөрийн хөлсний доод хэмжээг хүн амын амьжиргааны доод түвшний өөрчлөлт, хөдөлмөрийн бүтээмж, дундаж цалингийн зохистой харьцаа, нийгмийн даатгалын сангаас олгох Бүрэн тэтгэврийн доод хэмжээ, эдийн засгийн өсөлт, хөдөлмөр эрхлэлтийн түвшин, инфляцын түвшин зэрэг хүчин зүйлүүдийг харгалзан хамгийн багадаа 546.0 мянган төгрөг түүнээс дээш хэмжээнд шинэчлэн тогтоох үндэслэл бүхий саналыг хүргүүлсэн.

Хөдөлмөр, нийгмийн түншлэлийн гурван талт Үндэсний хорооноос хөдөлмөрийн хөлсний доод хэмжээг шинэчлэн тогтоох асуудлаар 2022 оны 02 дугаар сарын 10-ны өдөр хуралдахаар болжээ.

Хөдөлмөрийн хөлсний доод хэмжээг шинэчлэн тогтооно