Удирдлагууд иргэдийн санал бодлыг сонсож, бүтээн байгуулалтын талаар болон хороо тус бүрт нийтлэг тулгамдаж буй асуудлуудын талаарх санал, хүсэлтийг аман болон бичгэн хэлбэрээр хүлээн авч өөрсдийн байр суурийг илэрхийллээ.

Уулзалт дүүргийн хэмжээнд гурав дахь өдрөө үргэлжилж байгаа бөгөөд өнөөдөр 2, 10, 1, 35 дугаар хорооны иргэдтэй уулзсанаар өндөрлөх юм. Нийт иргэдийн санал хүсэлтүүдэд нийтлэг шаардлага олон байна. Тодруулбал, уулзалтын хүрээнд 32,33,22,34,37,24,41,5,6,3,4,26,36,2,2,1,35 дугаар хороодын иргэд дараах нийтлэг асуудлыг хөндөн, шийдвэрлэх шаардлагатай байгааг онцолж байв.

Үүнд;
- Хог ачилтыг нэмэгдүүлэх
- Нийтийн тээврийн хүртээмжийг сайжруулах
- Тог, цахилгааны хүчдэлийг сайжруулах
- Гэрэлтүүлэг нэмэгдүүлэх
- Алслагдсан хэсгүүдэд авто зам тавих зэрэг багтаж байна.
Иргэд энэхүү нийтлэг асуудлуудаас гадна хороо тус бүрийн амьдрах орчин нөхцөлөөс шалтгаалж боловсрол, эрүүл мэнд, дэд бүтэц, нийгмийн халамж, хөдөлмөр эрхлэлтийг дэмжих зэрэгт анхаарч ажиллах шаардлагатай талаарх олон талт байр суурийг илэрхийлж байлаа.

Энэхүү уулзалтыг зохион байгуулсан УИХ-ын гишүүд болон дүүргийн удирдлагууд уулзалтын хүрээнд хөндөгдсөн нийтлэг асуудлуудыг шийдвэрлэх, нэгж бүр дээр засаж залруулах, шинэчлэн бүтээн байгуулах ажлын төлөвлөгөөг боловсруулан ажил хэрэг болгон иргэдэд тавдугаар сард дахин тайлагнахаар боллоо.

Иргэдийн санал хүсэлтийг сонслоо