Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулга болон Улаанбаатар хотын эрх зүйн байдлын тухай хуулийг энэ оны нэгдүгээр сарын 01-ний өдрөөс мөрдөж эхэлсэнтэй холбогдуулан албан хаагчдад сурталчлан таниулах танхимын сургалтыг өнөөдөр /2022.03.02/ зохион байгууллаа.

Тус сургалтад ЗДТГ-ын удирдах албан тушаалтнууд, албан хаагчид болон дэргэдэх байгууллагын удирдлагууд оролцлоо. Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн зорилт нь Монгол Улс төрийн байгууламжийн хувьд нэгдмэл байх зарчмыг хангах, иргэд орон нутгийн үйл хэрэгт шууд болон сонгож байгуулсан төлөөллийн байгууллагаараа уламжлан оролцох эрх зүйн үндсийг бүрдүүлэхэд оршино.