тэрээр Угтаалцайдам сумын тамгын газрын албан хаагчид болон эмнэлэг, сургууль, цэцэрлэгийн албан хаагчидтай уулзаж орон нутгийн тулгамдаж буй асуудал, ирэх онд хийгдэх хөрөнгө оруулалтын талаар ярилцаж, санал солилцлоо.

Угтаал дахь хүүхэд хөгжлийн төвийг санаачлан байгуулагч Л.Ганбаатартай уулзаж, төвийн үйл ажиллагаатай танилцан, орон нутагт хүүхэд хөгжүүлэх төвийг байгуулж хүүхдүүдэд хөгжих боломж олгож байгаад нь талархал илэрхийллээ. Мөн шинээр байгуулагдсан “Ахмадын өргөө”-ний үйл ажиллагаатай танилцлаа.

Өндөр настан Ч.Батсүх, Н.Дашдондог нар гуайнд зочлон ахмадуудынхаа санал, сургааль, захиасыг сонслоо. Мөн иргэд сонгогчидтойгоо уулзалт хийж хавар, намрын чуулганаар батлагдсан хуулиас танилцуулан, өөрийн ажиллаж байгаа хуулийн төсөл, ажлын хэсгийн талаарх мэдээллийг хүргэж иргэдийн санал сэтгэгдлийг сонсов. Уулзалт өдөрлөгийн үеэр ЕБС, соёлын төвд “2021 оны шилдэг борлуулалттай ном”-ын дээжсээс өглөө.

2021 онд Улсын төсвийн хөрөнгө оруулалтаар Угтаалцайдам суманд 150 хүүхдийн цэцэрлэг баригдаж байгаа бөгөөд энэ 9-р сард ашиглалтад орох юм байна. Цэцэрлэг ашиглалтад орсноор Угтаалцайдам сумын багачууд тохилог орчинд хүмүүжин, хөгжих юм.

Одоогоор яаралтай тулгамдаж байгаа асуудлын нэг нь эмнэлэгийн өргөтгөл, Спорт заалны дээврийн асуудал юм байна. Энэ асуудалд Ц.Туваан гишүүн шийдэл хайн ажиллах болно гэдгээ илэрхийлэв.

Иргэдтэй хийсэн уулзалтын үеэр төрийн албан хаагчдын цалин хөлсийг нэмэгдүүлэх, төрийн байгууллага бүрт байгаа үйлчилгээний ажилтнуудыг гэрээт ажилтан болгосон асуудлыг хөндөн ярьж байв.

УИХ-ын гишүүн Ц.Туваан Төв аймгийн Угтаалцайдам суманд ажиллалаа