11 жилийн өмнөх 10 сарын 2 өдөр төр нийгмийн нэрт зүтгэлтэн С.Зориг бусдын гарт амиа алдсан билээ. Өдий их хугацаа өнгөрөөд байхад түүний амь насыг бүрэлгэсэн хэрэг илрээгүй, олон түмний өмнө асуулт хэвээрээл байна.


Харин өчигдөр ЦЕГ-аас энэ хэрэгтэй холбоотой нэгэн мэдээллийг гаргажээ. Тэрхүү мэдээллийг бүрэн эхээр нь танилцуулж байна.

1998 оны 10 дугаар сарын 02-ны өдөр Монгол Улсын Их хурлын гишүүн, Засгийн газрын гишүүн, Дэд бүтцийн хөгжлийн сайдын үүрэг гүйцэтгэгч Санжаасүрэнгийн Зоригийн амь насыг хэрцгийгээр хохироосон хэрэг гарснаас хойш Цагдаагийн байгууллага нь гэмт хэргийн шалгалтын ажиллагааг байнга тасралтгүй зохион байгуулж, хэргийг илрүүлэх зорилго бүхий дагнасан ажлын хэсэг ажиллуулж байна. Хэргийг шалгах явцад зарим онц хүнд, зохион байгуулалттайгаар үйлдэгдсэн хэргүүдийг илрүүлэн ажиллав.

- Цаашид С.Зоригийн амь насыг хохироосон хэргийг шалгах сэжиг таамаг байгаа болно. Ажлын хэсэг хэргийг илрүүлэхэд Интерполын гишүүн зарим улсын тусгай албад болон хөгжингүй зарим орнуудын шүүх шинжилгээний байгууллагуудын туслалцаа дэмжлэгийг авч хамтран ажиллаж байна.

- Монгол Улсын Засгийн газрын 2003 оны 02-р сарын 05-ны өдрийн тогтоолын дагуу С.Зоригийн амь насыг хохироосон хэргийн талаар үнэн бодитой мэдээлэл өгсөн иргэнийг 500 сая төгрөгөөр шагнах болно. Гэмт хэрийн талаар үнэн бодит байдлыг гэрчлэн мэдүүлсэн иргэний аюулгүй байдлыг Цагдаагийн байгууллагаас бүх арга хэлбэрээр хангах бөгөөд шаардлагатай бол түүний гэр бүлийн гишүүдийг нэгэн адил хамгаална. Хэргийн талаар мэдэж байгаа боловч ямар нэгэн шалтгаанаар албан ёсоор гэрчлэхээс татгалзаж буй хүмүүсийн нэр хаягийг Эрүүгийн байцаан шийтгэх хуульд заасны дагуу чанд нууцална.

- Энэ хэргийн талаарх үнэн бодит мэдээллийг ЦЕГ-ын 102, Эрүүгийн цагдаагийн газрын 327045, 99118923, 92005683 дугаарын утсаар болон CRIMINAL@POLICE.GOV.MN Энэ и-мэйл хаягийг спамнаас хамгаалж байгаа бөгөөд үзэхийн тулд JavaScript идэвхтэй байх хэрэгтэй. гэсэн э-майл хаягаар авч байна.