Монгол цэргийн өдөр, Зэвсэгт хүчний 101 жилийн ой, Сонгинохайрхан дүүрэг үүсгэн байгуулагдсаны 30 жилийн ойг тохиолдуулан Засаг даргын Тамгын газрын хэлтэс, тасгуудын алба хаагчдын дунд бэлтгэл хурандаа Р.Нэргүйн нэрэмжит “Цэргийн алдар” спорт тэмцээнийг зохион байгууллаа.

Нээлтийн арга хэмжээнд Сонгинохайрхан дүүргийн Засаг дарга Н.Алтаншагай, Тамгын газрын дарга Д.Төмөрбаатар, бэлтгэл хурандаа Р.Нэргүй нар оролцон баг, тамирчдад амжилт хүссэн юм. Тус тэмцээнд нийт есөн багийн 60 гаруй тамирчид оролцон дартс, хийн буудлага, сагсан бөмбөг, гар бөмбөг зэрэг төрлүүдээр авхаалж, самбайгаа сорин өрсөлдлөө. Тэмцээнд дараах баг, тамирчид амжилт үзүүлэн, тэргүүн болон дэд байранд шалгарав.

Гар бөмбөгийн тэмцээнд;

1-р байр Баян хошуу бүсийн баг

2-р байр Санхүү Төрийн сангийн хэлтсийн баг

3-р байр “Нөхөрлөл” баг буюу Төлөвлөлт, гүйцэтгэлийн удирдлагын хэлтэс, Хяналт шинжилгээ үнэлгээний хэлтэс, Нийгмийн хөгжлийн хэлтсийн хамтарсан баг

3*3 сагсан бөмбөгийн тэмцээнд;

1-р байр Төвийн бүсийн баг

2-р байр Баян хошуу бүсийн баг

3-р байр Өнөр бүсийн баг

Дартсын тэмцээнд;

1-р байр Тохижилтын баг

2-р байр Нөхөрлөл баг

3-р байр Санхүү, төрийн сангийн багХийн буудлагын тэмцээнд;

1-р байр Төвийн бүсийн баг

2-р байр Нөхөрлөл баг

3-р байр Өнөр бүсийн баг тамирчид тус, тус шалгалт байр эзэллээ.

Мөн хийн буудлагын тэмцээний шилдэг мэргэн буудагч эмэгтэйгээр Агаарын бохирдолтой тэмцэх тасгийн мэргэжилтэн Ү.Ариунсэлэнгэ, шилдэг мэргэн буудагч эрэгтэй тамирчнаар Төвийн бүсийн тамирчин н.Сэдэд нар шалгарлаа.

Тэмцээний багийн дүнгээр тэргүүн байранд Төвийн бүсийн баг, дэд байранд Нөхөрлөл баг, гуравдугаар байранд Баян хошуу бүсийн баг шалгарсан бөгөөд багийн дүнгээр тэргүүн байр эзэлсэн Төвийн бүсийн баг шилжин явах цомын эзэн боллоо. Тэмцээнд идэвхтэй оролцсон нийт баг тамирчиддаа баяр хүргэн, ажил хөдөлмөрийн өндөр амжилт хүсье!

Тамгын газрын хэлтэс, тасгийн алба хаагчдын дунд "Цэргийн алдар" спорт тэмцээнийг зохион байгууллаа