2022.03.10
Шинээр сонгогдсон бүлгийн дарга нарыг чадавхжуулах сургалт боллоо
Монголын Боловсрол, Шинжлэх Ухааны ҮЭ-ийн холбооны Сургуулийн Өмнөх Боловсролын ҮЭ-ийн нэгдсэн хорооноос шинээр сонгогдсон бүлгийн дарга нарыг чадавжуулах сургалтыг МҮЭ-ийн холбооны хурлын танхимд зохион байгууллаа.
СӨБ-ын нэгдсэн хорооны зүгээс энэхүү сургалтыг зохион байгуулах нь ҮЭ-ийн гишүүн байхын давуу тал, цалин хөлсийн тухай мэдлэг ойлголт өгч цаашлаад "Хамтын гэрээ"-нд гишүүдийн оролцоог хангахад түлхэц үзүүлэх ач холбогдолтой хэмээн үзэж буй юм.
Иймд сургалтад хамрагдаж буй ҮЭ-ийн бүлгийн шинээр сонгогдсон 45 дарга "Үйлдвэрчний эвлэлийн үндсэн үйл ажиллагаа, гишүүдэд тулгамдаж буй асуудал, гарах арга зам, ҮЭ-ийн татвар санхүү, цалин хөлс, хамтын гэрээ, Хөдөлмөрийн гэрээ, дотоод хэм хэмжээ"-ний талаарх цогц мэдлэгийг олгож буй юм.
