Хойд чиглэлийн замуудын өргөтгөл шинэчлэлтийн ажил ид явагдаж байна. Өнгөрсөн долоо хоногт 32-ын тойргийн засвар дуусч хөдөлгөөнийг нээсэн. Харин энэ сарын хоёрны 22 цагаас 10-ны өглөө хүртэл 10 хоногийн хугацаанд цаашаагаа Долоон буудлын эцсээс Дамбадаржаагийн Замын цагдаагийн пост хүртэл 09 км замын ажлыг эхлүүллээ.
Дээрх зам өргөөшөө долоон метр бөгөөд үүнийг 15 метр болгож өргөтгөх юм. Үүнээс гадна үерийн ус зайлуулах хоолой хоёрыг тавьж байгаа юм.
Засвартай холбоотойгоор зам хаасан учраас хойд зүгийн зуслангийн чиглэл рүү явж байгаа тээврийн хэрэгслүүд Дарь эхийн замаар Дамбадаржаагаар дамжин авж байна. Мөн нийтийн тээврийн автобуснууд мөн энэ чиглэлээр зорчиж байна.