УИХ-ын халдашгүй байдлын дэд хороо Ерөнхий прокуророос гаргасан хүсэлтийн дагуу УИХ-ын гишүүн Л.Гүндалайн бүрэн эрхийг түтгэлзүүлэх асуудлыг хэлэлцсэн байна.

УИХ-ын халдашгүй байдлын дэд хороо нь хамгийн олон жил парламентад суусан 4 гишүүнээс бүрддэг билээ. Өчигдрийн хуралдаанаар дэд хорооны дарга УИХ-ын гишүүн Ч. Улаан, Д.Лүндээжанцан, Д.Дэмбэрэл нар Л.Гүндалайн бүрэн эрхийг түтгэлзүүлэх нь зүйтэй гэсэн бол Р.Гончигдорж түтгэлзүүлэх шаардлагагүй хэмээн үзэж, олонхийн саналаар түтгэлзүүлхээр болсон байна. Ингээд дэд хорооноос УИХ-ын гишүүн Л.Гүндалайн УИХ-ын гишүүний бүрэн эрхийг түтгэлзүүлж, хуулийн байгууллагад шийлжүүлэн эрүүгийн гэмт хэргийг шийдвэрлэж өгөх бололцоог хангаж өгнө үү гэсэн саналыг Төрийн байгуулалт болон Хуульзүйн байнгын хороодод уламжлахаар болжээ.

Одоо Дэд хороо, байнгын хороодын санал дүгнэлт дээр үндэслэн УИХ-ын нэгдсэн чуулганаар хэлэлцэх юм.