ЮНЕСКО-гийн ерөнхий бага хуралд оролцсон БСШУ-ны сайд Я.Отгонбаяр Оросын боловсролын академийн дарга ноён Н.И.Булаевтай Москва хотноо уулзжээ.

Тэрбээр энэ үеэр ОХУ-ын ерөнхийлөгч Медведевийн айлчлалаар яригдсан оюут-ны квотын асуудлыг шийд-вэрлэх тухай хөндсөн байна. Өдгөө Монголоос тус улсад жилд 230 оюутан сурдаг байна. Энэ тоог 2010 оны хичээлийн жилээс эхэлж нэмэгдүүлж эхлүүлэх, Засгийн газраас чиглэл болгосон зайлшгүй хэрэгтэй мэргэжлийн дагуу монгол залуусыг илгээх тал дээр тохиролцоонд хүрчээ. Энэ удаагийн уулзалтаар яригдсан өөр чухал сэдвийн нэг бол ОХУ-д сурч буй монгол оюутнуудад дэмжлэг үзүулэх явдал байсан гэнэ. Ингэхдээ зөвхөн квотод хязгаарлагдах бус шалгалтад тэнцсэн чадварлаг оюутнуудыг нэмж илгээх талаар хамтарч ажиллахаар болсон аж.

Түүнчлэн Оросын Соёлын сайд А.А.Авдеемтай уулзсан гэнэ. Тус уулзалтын үр дүнд шийдэгдсэн гол асуудал бол Оросын тусгай архивуудад монгол эрдэмтдийг судалгаа шинжилгээний ажил хийлгэхэд хамтран ажиллах явдал байжээ. Учир нь тухайн архивуудад Монголын түүхийн холбогдолтой чухал баримтууд өнөөдрийг хүртэл хадгалагддаг гэнэ? Мөн Коминтерний тусгай архив ч багтдаг байна Монгол эрдэмтэд энэхүү архивуудад орж судалгаа хийснээр олон нийтэд хаалттай хэвээр байсан баримт бичгийг судлах, түүхийн талаар үнэн зөв мэдээллийг дэлгэн харуулах боломж нээгдэж буй юм.