Сургуулийн насны хүүхдүүд зам тээврийн осолд өртөж гэмтэж бэртэх явдал буурахгүй байна. Өдөрт 3-4 хүүхэд ийм төрлийн осолд орж байна.


Тухайлбал өчигдөр буюу аравдугаар сарын 08-нд дөрвөн хүүхэд осолд орсон.

Сонгинохайрхан дүүргийн нутаг Хар хорин захын хойд замд Нyundai accent маркийн 83-19 УБА дугаартай автомашины жолооч Н нь 6 настай Д-г мөргөж гэмтээсэн. Мөн Дэнжийн 1000-ын зам Цагаан байрны урд талд ийм төрлийн осол болж найман настай Ж гэмтсэн. Хэргийг Toyota sprinter 40-48 УБЕ дугаартай автомашины жолооч Ш үйлдсэн байна.
Жолооч нар хүүхдийн тоглоомын талбай, сургууль, цэцэрлэгийн ойр орчим, явган хүний гарцтай газар хурдаа хасан, анхаарал болгоомжтой явах хэрэгтэй. Түүнчлэн эцэг эхчүүд, нийгмийн ажилтан, багш нар хүүхдүүддээ замын хөдөлгөөнд хэрхэн зөв, соёлтой оролцох талаар хэлж, зөвлөх нь зүйтэй юм.