Монгол Улсын Сонгуулийн ерөнхий хороо өнгөрсөн бямба гаригт хуралдаж УИХ-ын нөхөн сонгуулийн 24 дүгээр тойргийн хорооны тогтоолтой холбоотой иргэн А.Цэрэнбат, М.Ичинноров нарын ирүүлсэн өргөдөл гомдлыг авч хэлэлцэв.

Тус тойргийн хороо эдгээр иргэдийн ирүүлсэн баримт бичгийг тулгаж шалгасны үндсэн дээр тэднийг бие дааж нэр дэвшигчээр бүртгэхээс татгалзсан тогтоол гаргасан билээ. СЕХ нь энэ асуудлыг нягтлан шалгаад дээрх иргэдийг бие дааж нэр дэвшигчээр бүртгэхээс татгалзахаар болсон зөрчил нь нотлогдсон тул УИХ-ын нөхөн сонгуулийн 24 дүгээр тойргийн хорооны тогтоолыг хүчингүй гэж үзэх үндэслэлгүй гэсэн шийдвэр гаргалаа гэж Сонгуулийн ерөнхий хорооноос мэдээлэв.