Ц.Даваасүрэн гишүүн Барилга хот байгуулалтын сайдад Асуулт хүргүүллээ
2022.04.13

Ц.Даваасүрэн гишүүн Барилга хот байгуулалтын сайдад Асуулт хүргүүллээ

2013 оны Улсын төсвийн хөрөнгө оруулалтаар Мөрөн сумын 6-р хороонд хийгдсэн шугам сүлжээний ажил өнөөдрийг хүртэл ашиглалтад ороогүй, эвдэрч сүйдсэн байдалтай байна.

Уг бүтээн байгуулалтын ажлын ТЭЗҮ-ийг Барилга хот байгуулалтын яамны захиалгаар боловсруулж, тендер зарлан гүйцэтгэгчээр “Монгол дайван” ХХК шалгарсан байдаг. Гэвч тухайн компани технологийн шийдлээ алдаатай гаргасны улмаас цэвэр усны шугамыг оршин суугчид ашиглах боломжгүй байдал үүссэн. Энэ асуудлыг хэрхэн шийдвэрлэх талаар Барилга хот байгуулалтын яаманд удаа дараа хандсан ч ямар арга хэмжээ авч ажилласан, ажиллахаар төлөвлөж байгаа эсэх талаар хариу тайлбар ирүүлэхгүй байсаар өдийг хүрлээ.

Улсын төсвийн ихээхэн хэмжээний хөрөнгө оруулалтаар хийгдсэн, улсын комисс хүлээн авсан энэхүү шугамыг ашиглахгүй, ашиглалтын горим алдагдуулж, урсгал засвар хийхгүй хаяж, тоногдсон явдалд хэн хариуцлага хүлээх вэ? Энэ асуудлаар Барилга хот байгуулалтын сайдад Асуулт тавьж, хуулийн хугацаандаа багтаж хариу ирүүлэхийг шаардав.

Сэтгүүлч

Сэтгүүлч Ц.Соёлмаа soyolmaa@vip76.mn