Сонгинохайрхан дүүргийн хэмжээнд "Их цэвэрлэгээ-90 минут" бүх нийтийн их цэвэрлэгээ эхэллээ. Бүх нийтийн их цэвэрлэгээнд иргэд, албан байгууллага, аж ахуйн нэгжүүд нэгдэж гадна орчин болон нийтийн эзэмшлийн талбайн хог хаягдал, хайс хашлага зэргийг угааж, цэвэрлэж байна.

Хаврын их цэвэрлэгээний ажилд 43 хороо тус бүрт хороодын Засаг дарга нар болон олон нийтийн байцаагчид, Хог хаягдлын үйлчилгээний байгууллагууд хариуцан хяналт тавьж байгаа билээ.

Тиймээс хороод иргэд, ААН байгууллагуудыг уриалан өөрийн нутаг дэвсгэрийн үерийн далан суваг, орон сууцны хорооллын арын чингэлэг хоорондын зай завсрын хог, нийтийн эзэмшлийн авто зам дагуух тэмдэг, автобусны буудал, сандал, хогийн сав тоглоомын талбай, орц, шат, хонгилыг цэвэрлэн, ариутгаж байна.

Cонгинохайрхан дүүргийн иргэд, албан байгууллага, ААН-үүд бүх нийтийн их цэвэрлэгээнд нэгдлээ