2022.05.06

Ц.Туваан гишүүн Төв аймгийн Мөнгөнморьт суманд ажиллалаа

Суманд ажиллах үеэрээ сумын удирдлагуудтай уулзаж, иргэд сонгогчидтойгоо уулзалт хийлээ. Сумын удирдлагуудын зүгээс төрийн захиргааны ажилтнуудын цалин хөлс бага байгаа талаар ярьж санал солилцлоо.

Өндөр настан Буянтогтох, Лхам, Эрдэнээ, Дашдэндэв, Базарзагдал гуайнд зочлон ахмадуудынхаа санал, сургааль, захиасыг сонслоо. Мөн иргэд сонгогчидтойгоо уулзалт хийж хавар, намрын чуулганаар батлагдсан хуулиас танилцуулан, өөрийн ажиллаж байгаа хуулийн төсөл, ажлын хэсгийн талаарх мэдээллийг хүргэж иргэдийн санал сэтгэгдлийг нь сонсов. Уулзалт өдөрлөгийн үеэр сумын эмнэлэгт тусламжийн тэргэнцэр, эмнэлгийн хэрэгсэл гардуулан өглөө.

Иргэдтэй хийсэн уулзалтаар дэлхийн өвийг хамгаалах захиргааны газрын гаргаж буй газрын асуудал амьдралд буухгүй байгаа талаар, зам засварын ажил удаашралтай байгааг, Хэрлэн голын гүүрний асуудал, бараа бүтээгдэхүүний үнийн өсөлт маш их байгаа зэрэг талаар иргэд маань хэлж байлаа.

Сэтгүүлч

Сэтгүүлч Ц.Соёлмаа soyolmaa@vip76.mn