17 дугаар хороо нь нийт 3840 өрхийн 14000 хүн амтай, 18-35 насны 4150 залуучуудтай. Тус хороонд 2 дугаар сургууль, 3 дугаар цэцэрлэг, жишиг өрхийн эмнэлэгтэй үйл ажиллагаагаа явуулдаг. Харьцангуй нийгмийн үйлчилгээний байгууламж бүрдсэн хороо.

УИХ-ын гишүүн Ж.Сүхбаатар иргэдийн төлөөлөлтэй уулзан санал хүсэлтүүдийг нь сонсон ярилцлаа. Тэрээр засаг төрөөс явуулж буй бодлого, үйл ажиллагааг тайлбарлан асуултуудад нь хариулт өгсөн бөгөөд иргэдийн зүгээс санал бодлоо илэрхийлсний дотор дараах асуудлуудыг хөндөн ярьж байлаа.

1. Петро Чайна-Дачин Тамсагийн гэрээг эргэж нэг хараач. Бид ингэж нефтээ үнэгүй өгөөд, өрөнд ороод, усгүй, бэлчээргүй болж үлдмээргүй байна. Тэгээд өөрсдөө гаднаас үнэтэй бензин аваад, энэ засаг төр гэж байна уу.
2. Цэвэр усны нөөц улам бүр багасч байна. Хүмүүс усанд орохдоо усаа хэмнэ, шүдээ угаахдаа усаа хэмнэ гээд байх юм. Инээдтэй ч юм шиг, эмгэнэлтэй ч юм шиг. Гэтэл Оюутолгой нэг секундэнд хэдэн метр куб ус ашиглаж байна, ус ашиглалтын гэрээг эргэж нэг хармаар.
3. Ерөнхийлөгчийн тэрбум мод тарих хөдөлгөөнийг дэмжиж байна. Гэтэл мод тарих гэж байна гээд тэрбум модоо сүйрүүлмээргүй байна. Бид одоо байгаа модоо хайрлаж хамгаалмаар байна.
4. Бид одоо ямар мах идэж байгаагаа мэдэхээ байгаад байна. Монголчууд энэ махны эрүүл ахуй, чанарын асуудал дээр хяналт тавиад өгөөч.
5. Хууль энгийн иргэн, эрх мэдэлтэнд адил үйлчилдэг болмоор байна. Төр хуулиар далайлгаж, цагдаатайгаа нийлээд иргэдийг буланд шахаж байна. Ажиллаж амьдрах боломжгүй болгож байна.
6. Энэ оффшор, авилгалын асуудалтай тэмцмээр байна.
7. Ажил хийх хүн олдохгүй байна гэж байна. Авсан хэдэн төгрөг нь амьдралд хүрэлцэхгүй. Хөдөлмөрийн үнэлэмжээ нэмэгдүүлээгүй цагт ажил хийх хүн энэ улс оронд чинь байхгүй.
8. Монголчууд хятадаас авсан бараагаа нэг нэгэндээ дамлаж зарж, амьдарч байна. Дотооддоо өөрсдөө үйлдвэрлэдэг болмоор байна. Жижиг дунд үйлдвэрлэлээ дэмжмээр байна.
9. Гадны хүмүүс тэтгэврийн мөнгөөрөө зугаалаад явж байна, тэднийг хараад би бахархдаг. Бид 500 мянган төгрөгөөр юу хийх вэ, өмсөх үү, идэх үү, түлээндээ өгөх үү?! Энэ тэтгэврийн тогтолцоогоо өөрчилж өгөөч.
10. Эмэгтэйчүүдийн төлөөлөл: би 9 жил шалаанз барьсан, одоо би ээжийгээ асарч байгаа. Миний 103 настай ээжийг түрээсийн орон сууцанд оруулж өгөөч.
11. Зам засварын ажлыг хэн хэндээ хэрэгтэй, чанартай, насжилт удаан хиймээр байна.
12. Түүнчлэн Хорооны удирдлагаас 2024 он хүртэл гудамжин дундах богино замууд, гудамжуудыг засах, хийх ажлууд их чухал байгааг онцлоод иргэдийн санал хүсэлт гомдол байнгын ирдэг болохыг танилцуулав.

Уулзалтын дараа төсвийн хөрөнгө оруулалтаар хийгдэж байгаа жишиг гудамжны ажлын явцтай танилцлаа.

Сэтгүүлч

Сэтгүүлч Ц.Соёлмаа soyolmaa@vip76.mn