Нийслэлийн 370 жилийн ойг тохиолдуулан нийгмийн бүх салбарт бүтээлч ажлууд өрнөж буй юм. 2008 оны 7-р сард ерөнхий сайд С.Баяр СХД-ийн эцсийн автобусны зогсоол дээр зорчигчидтой уулзаж ярилцан, төрийн болон хувийн хэвшлийн автобусны компанийнхантай олонтой уулзаж бодит байдалтай танилцсан юм. Үүний дараа Улаанбаатар хотод 400 шинэ автобус нийлүүлэх шийдвэр гарснаар "Нийслэлийн 370 жил" гэсэн бичигтэй шинэ автобусууд үйлчилгээнд явж эхэлсэн билээ.
Энэ ажлын мөрөөр удахгүй Нийслэлийн зам, хөдөлгөөн, аюулгүй байдлыг хангах зорилготой замын хөдөлгөөнийг хянах камерийн систем ашиглалтад орох юм байна.