Ерөнхий сайд асан С.Баяр одоо энгийн нэг УИХ-ын гишүүн. Тиймээс чуулганы танхимын альхан суудалд тухлах нь сонин байлаа. 16.11 цагт тэрбээр орж ирэв. Чуулганы дугуй танхимд гишүүд нам намаараа, бас зэрэг дэвээрээ дараалан суудаг. МАХН-ын дарга түүнд УИХ-ын дэд дарга Н.Энхболд, УИХ дахь Бүлгийн дарга Д.Лүндээжанцан нартай тохой залгасан суудал оногджээ. Тэнд уг нь Хууль зүй, дотоод хэргийн сайд Ц.Нямдорж суудаг байсан юм. Тэгвэл Ц.Нямдорж намын даргадаа суудлаа өгөөд үүд тийш хандсан гурав дахь ширээнд Д.Дамба-Очирыг “хөөгөөд” суучихжээ. Өнөөх нь харин бүр үүдэнд, шинэхэн гишүүн Даш.Зоригттой айлссан байлаа.