Улсын Дээд шүүхийн Захиргааны хэргийн танхимын давж заалдах шатны шүүх хуралдаанаар Н.Даваа, Д.Энхтөр нарын нэхэмжлэлтэй Монголбанкинд холбогдох захиргааны хэргийг нэхэмжлэгч, түүний өмгөөлөгч нарын гомдлын дагуу 11 дүгээр сарын 3-ны өдөр хянан хэлэлцэв.


Н.Даваа, Д.Энхтөр нар нь Монголбанкны Ерөнхийлөгчийн “Анод” банкинд онцгой дэглэм тогтоож, бүрэн эрхт төлөөлөгч томилон ажиллуулсан 2008 оны 12 дугаар сарын 10-ны өдрийн 523 тоот тушаалыг хууль зөрчсөн гэж үзэж, хүчингүй болгуулах тухай нэхэмжлэлийн шаардлага гаргасан аж.

Дээрх хэргийг Нийслэлийн захиргааны хэргийн шүүх өнгөрсөн 9 дүгээр сарын 9-ний өдөр анхан шатны журмаар хянан хэлэлцээд Монголбанкны Ерөнхийлөгчийн 523 тоот тушаалыг хуульд нийцсэн хэмээн үзэж, Н.Даваа, Д.Энхтөр нарын нэхэмжлэлийг бүхэлд нь хэрэгсэхгүй болгон шийдвэрлэсэн юм.

Улсын Дээд шүүхийн Захиргааны хэргийн танхимын давж заалдах шатны шүүх хуралдаанаар дээрх хэргийг хянан хэлэлцээд Нийслэлийн захиргааны хэргийн шүүхийн шийдвэрийг хэвээр үлдээсэн байна