НҮБ-ын Ерөнхий нарийн бичгийн дарга Антонио Гутерреш Ерөнхийлөгч У.Хүрэлсүхийн урилгаар энэ сарын 9-11-нд манай улсад айлчилна. Тэрээр 2017 оны нэгдүгээр сарын 1-нээс албан ёсоор үүрэгт ажилдаа орсон юм. Үүнээс хойш Монголд анх удаа айлчлах гэж байна.

Тэрээр 2005-2015 ондуудад НҮБ-ын дүрвэгсдийн асуудал эрхэлсэн Дээд комиссараар ажилласан, туршлагатай дипломатч юм. Түүний нэрийг 2016 оны зун дэвшүүлж, 2016 оны аравдугаар сарын 5-нд НҮБ-ын Аюулгүйн Зөвлөлийн санал хураалтаар ялсныг зарлан, мөн оны аравдугаар сарын 13-нд НҮБ-ын Ерөнхий Ассамблейн чуулганаар НҮБ-ын Ерөнхий нарийн бичгийн даргаар сонгожээ.