Шуурхай зөвлөгөөнөөр цэцэрлэгийн хүртээмжийг сайжруулах, хөрөнгө оруулалт бүтээн байгуулалт, өмнө өгсөн үүрэг даалгаврын хэрэгжилт зэрэг гурван асуудлыг хэлэлцлээ.

Цэцэрлэгийн хүртээмжийн хувьд өнөөдрийн байдлаар харьяалал шилжээгүй, шинээр байранд ороод гэрчилгээ авч чадаагүй, түрээсийн болон нийтийн байранд амьдардаг зэргээс шалтгаалж дүүрэгт амьдардаг 13442 хүүхэд цэцэрлэгт хамрагдаж чадахгүй байх эрсдэлтэй байна.

Мөн хичээлийн шинэ жил эхлэмэгц цэцэрлэг, сургуулийн ойр орчимд хүүхдүүд бэртэж, гэмтэх тохиолдол гардаг учраас энэ мэт ажлуудад хорооны хэсгийн ахлагчаас эхлээд Засаг дарга, холбогдох бодлогын хэлтэс албад онцгой анхаарч тодорхой ажлуудыг хичээлийн шинэ жил эхлэхээс өмнө зохион байгуулах хэрэгтэй гэв.

Хөрөнгө оруулалт бүтээн байгуулалтын хувьд тус дүүрэг 2022 онд 113 төсөл арга хэмжээ хэрэгжүүлж байгаа юм.

Өнөөдрийн байдлаар ажлын явц 48.7%  байгаа нь дундаж үзүүлэлт. Тиймээс хүйтний улирал эхлэхээс өмнө онцгой анхаарч ногоон байгууламж, гэрэлтүүлэг, авто зам, явган замын ажлуудыг өндөр чанартай, хурдан гүйцэтгэлтэй хийж дуусгах шаардлагатай байна гэж үзлээ.