Улсын төсвийн 1.8 тэрбум төгрөгийн хөрөнгө оруулалтаар барьсан Дадал сумын Спорт цогцолборын барилгыг улсын комисс хүлээн авчээ.

Тэнхлэгээрээ 54х24м хэмжээтэй 1-2 давхар барилга бөгөөд фитнес, теннис, бокс, бөхийн заал танхим болон хоолны танхим, нийтийн, тамирчдын ариун цэврийн өрөө, угаалгын өрөө, багш нарын өрөө, VIP танхимтай цогц цогцолбор юм.

Тус спортын цогцолборыг "Мандалт констракшн" ХХК гүйцэтгэсэн бол зураг төслийг "Хот Төлөвлөлтийн Хүрээлэн" ХХК зохиожээ. Түүхэн аялал жуулчлалыг хөгжүүлэхэд зориулсан ОУ-ын стандартад нийцсэн заал танхим, спортын цогцолбор ийнхүү ашиглалтад орсныг эх сурвалж мэдээллээ.