Байнгын хороо

УИХ-ын Байнгын хороодын хуралдаан 2009 оны 12 дугаар сарын 1-нээс 15-ны өдрийг хүртэлх хугацаанд нийт 15 удаа 14 цаг 10 минут хуралдсан байна.

Энэ хугацаанд нийт давхардсан тоогоор УИХ-ын гишүүдээс дотоод болон гадаад томилолтоор чөлөөтэй-72, өвчтэй-12 удаа хүндэтгэх шалтгаанаар Байнгын хорооны хуралдаанд оролцсонгүй. Мөн гурван гишүүн 1 цаг 40 минут хуралдаанаас хоцорчээ.

Харин 14 гишүүн хүндэтгэх шалтгаангүй нийт 15 удаа 8 цаг 50 минут Байнгын хороодын хуралдааныг тасалсан мэдээтэй байна.

Танилцуулбал, УИХ-ын гишүүн Д.Одбаяр 2 удаа 1 цаг 15 минут, Д.Загджав 1 удаа 1 цаг 20 минут, Ш.Сайхансамбуу 1 удаа 1 цаг 20 минут, Д.Ганхуяг 1 удаа 1 цаг 5 минут, Н.Алтанхуяг 1 удаа 55 минут, Э.Бат-Үүл 1 удаа 55 минут, Ц.Мөнх-Оргил 1 удаа 55 минут Байнгын хорооны хуралдааныг тасалсан аж.

Чуулганы нэгдсэн хуралдаан

Чуулганы нэгдсэн хуралдаан 2009 оны 12 сарын 1-нээс 15-ны өдрийг хүртэл нийт ажлын 7 өдөрт 9 удаа 17цаг 15 минут хуралджээ.

Чуулганы хуралдаанд цаг хоцролгүй, байнга идэвхтэй оролцсон гишүүдээр Н.Ганбямба, Л.Гансүх, Х.Наранхүү, Д.Хаянхярваа, Х.Бадамсүрэн, П.Алтангэрэл, Н.Энхболд, Ц.Баярсайхан, Д.Зоригт нар тодорсон байна.
Давхардсан тоогоор гишүүдээс дотоод болон гадаад томилолттой 88, чөлөөтэй-53, өвчтэй-30 удаа хүндэтгэх шалтгаанаар Чуулганы хуралдаанд оролцоогүй аж.

Дээрх хугацаанд Чуулганы нэгдсэн хуралдааныг УИХ-ын гишүүд таслаагүй, жигд сайн оролцсон хэмээн Чуулган, байнгын хорооны хуралдаан зохион байгуулах албанаас мэдээлэв

УИХ-ын гишүүд хуралдаан таслаагүй, жигд сайн оролцжээ