Тэрбээр “Манай аймгийн хог хотын хаягдлаас дутахааргүй байна. Би өөрөө хувиараа хог хаягдал дахин боловсруулах үйлдвэр байгуулъя гэж боддог. Гэвч тоног төхөөрөмжөө хаанаас хэрхэн авах вэ гэдгээ мэдэхгүй байна. Тоног төхөөрөмж авахад мөнгөн тусламж үзүүлэх хүн байдаг болов уу ” гэжээ. Энэ иргэний хүсэлтийн дагуу vip76 сурвалжиллаа.

Хаягдал цаас боловсруулах БНХАУ-ын Оюуны өмчийн газрын “02228766-3″ баталгаажилттай байгаль орчинд хор хөнөөл багатай үйлдвэр ажиллуулах боломж байна. Энэ үйлдвэр нь “00″ цаас, салфетик, бичгийн цаас гээд цаасан бүтээгдэхүүн үйлдвэрлэх боломжтой аж.

Энэхүү үйлдвэрийн шугам нь 19.800 ам.долларын үнэтэй. Нийт 18 ширхэг жижиг тоног төхөөрөмжөөс иж бүрдэл болно. Мөн цэвэршүүлэх байгууламжийг 35.000 ам.доллараар худалдан авах шаардлагатай болно. Учир нь гарсан бохир усыг цэвэршүүлэхгүй бохирт нийлүүлэхрийг БОЯ-наас хориглодог байна. Ингэхлээр танд 54.800 ам.доллартай байхад иж бүрэн цаас боловсруулах үйлдвэртэй болно. Энэхүү тоног төхөөрөмжүүд нь 150-350 ам метр талбайтай байр шаардагдах юм билээ. Машинууд нь 380 вольтоор ажиллана. Хаягдал цаас боловсруулах нэн шинэ технологийн талаархи сүүлийн үеийн мэдээллээр бас хангана. Үйлдвэртээ нэг жилийн баталгаа өгнө. Илүү тодорхой мэдээллийг “Бизнесийн мэдээ” сонины редакцид очиж хүлээн авна уу.

Мөн хог хаягдлыг дахин боловсруулах талаар мэдээлэл олж авахыг хүсвэл "Ногоон эсвэл", "Монголын үндэсний ногоон хөдөлгөөн" ТББ-ууд санаачлан "Хог хаягдлын менежмент" төсөл хэрэгжүүлж байгаа юм байна. Эдгээр байгууллагаас мэдээлэл авч болох юм байна.