Эрхэм хүндэт Сонгинохайрхан дүүргийн иргэд та бүхэндээ угтан ирж буй шинэ тоолол, 2023 оны шинэ жилийн мэндчилгээг өргөн дэвшүүлье. Улиран шилжиж буй 2022 он бидний хувьд боловсрол, эрүүл мэнд, дэд бүтцийн шинэчлэлийг өрнүүлсэн, ололт амжилт,  бүтээн байгуулалтаар өрнүүн жил өнгөрлөө.

Сонгинохайрхан дүүрэг үүсэн байгуулагдсаны болон нутгийн удирдлагын байгууллага үүсэж хөгжсөний 30 жилийн ой улиран одож буй 2022 онд тохиож, Сонгинохайрханчууд бид өнгөрсөн жилүүдэд хамтдаа олон зүйлийг хийж бүтээж, нийслэл хотынхоо бүтээн байгуулалттай хөл нийлүүлэн, хөгжилд өнгө нэмэн, алдаа оноо, амжилт бүтээл, арвин баялаг түүхийг бататган чууллаа. 

Энэ  хугацаанд суурьшлын бүс улам тэлж, хүн ам өсөн нэмэгдэж, түүнийг дагасан нийгэм болон инженерийн дэд бүтцийг нэмэгдүүлж, эрүүл мэнд, боловсролын салбарт онцгой анхаарч, орон нутгийн онцлогт нийцсэн бодлого төлөвлөлтийг хэрэгжүүлж, бодитой өөрчлөлт гарч байгааг онцолъё.

2021-2022 оны хугацаанд зөвшөөрөлгүй гарааш, чингэлгүүдийг буулгаж нийтийн эзэмшлийн талбайг чөлөөлж, иргэдэд ээлтэй тохижилт бүтэн байгуулалтыг эхлүүллээ. Боловсролын салбарт сүүлийн 13 жилийн хугацаанд 11 сургууль, 8 өргөтгөл шинээр барьж, суудлын тоо 9620-иор, 33 цэцэрлэг, 10 өргөтгөлийн барилга шинээр барьж 6210 хүүхдийн ороор нэмэгдүүлсэн. 2022 онд 10 сургууль, 9 цэцэрлэг шинээр барьж байгаа бөгөөд 2023 онд ашиглалтад оруулснаар манай дүүрэг боловсролын салбарын асуудлыг бүрэн шийдэж чадах юм.

Түүнчлэн дүүргийн нийт нутаг дэвсгэрийн хэмжээнд 2022 онд 21094 ширхэг буюу 632.250 метр урттай гэрэлтүүлэг бүрэн ашиглалтад орж, нийт нутаг дэвсгэрийн 90 гаруй хувь нь бүрэн гэрэлтүүлэгтэй болж иргэд аюулгүй орчинд амьдрах нөхцөл бүрдлээ. Дэд бүтцийн салбарт “Баянхошуу”, “Толгойт” дэд төвийн төслүүд хэрэгжиж орон сууцны хороолол сүндэрлэх боломж бий боллоо.

ТА БҮХЭНД БАГ ХАМТ ОЛНЫ ХАМТ 2022 ОНД ХЭРЭГЖҮҮЛЖ, АШИГЛАЛТАД ХҮЛЭЭН АВСАН БҮТЭЭН БАЙГУУЛАЛТЫН ДАРААХ АЖЛУУДЫГ ТАНИЛЦУУЛЖ БАЙНА.

• Сонгинохайрхан дүүргийн нутгийн захиргааны ордон
• ЭМТ-ийн өргөтгөлийн шинэ барилга
• 2022 онд нийт 21094 ширхэг буюу 632.250 метр урттай гэрэлтүүлэг
• Баянхошуу дэд төвийг түшиглэн 20 айлын эко орон сууц
• Ахмадын өргөөний барилга
• 1, 2, 3, 20 дугаар хороо нарангийн үерийн хамгаалалтын барилга байгууламжийн II ээлжийн далангийн барилга

9 дүгээр хороонд 200 хүүхдийн ортой цэцэрлэг, 31 дүгээр хороонд 250 хүүхдийн ортой цэцэрлэг,  37 дугаар хороонд 260 хүүхдийн цэцэрлэг, 4 дүгээр хороонд 640 хүүхдийн багтаамжтай сургууль тус, тус ашиглалтад орлоо.

МӨН ДАРААХ БҮТЭЭН БАЙГУУЛАЛТЫН АЖЛУУДЫГ 2022 ОНД ЭХЛҮҮЛСЭН БӨГӨӨД ОН ДАМЖИН ХЭРЭГЖИЖ БАЙНА.

• 2,3,4,5,7,10,16,17,19,20,29,33, 34 дүгээр хороонд 3x3 сагсан бөмбөгийн талбай байгуулах ажил
• Усан спорт сургалтын төвийн барилга
• Хөл бөмбөгийн талбай бүхий спортын цогцолбор
• 31-р хорооноос эгц хойшоо гадна тойруу хүртэлх авто зам
• 18 дугаар хороонд “Шинэ таван шар” төсөл хэрэгжиж, дахин төлөвлөлтийн ажил эхэлсэн
• 14, 15,16 дугаар хорооны 477 гарааш, контейнерийг чөлөөлж, 3.5 га талбайг тохижуулж байна
• Гэр хорооллын газрыг дахин төлөвлөн барилгажуулах төсөл “Цэргийн хотхон” орчим ХЕМ-2013-8 багцын “А” хэсэгчилсэн талбай

2022 онд эмээлт, хангай зах, ханын материал, гэр хороолол дундах, баянхошууны эцэс, гүнжийн нүдэн нуурын хажуугаар нийт зургаан байршилд 10.23 км зам шинээр тавигдаж байна.

Айлчлан ирж буй 2023 оноо амжилт бүтээлээр дүүрэн угтсан Сонгинохайрхан дүүргийн нийт иргэдэдээ шинэ оны мэнд хүргэж эрүүл энх, аз жаргал, сайн сайхан бүхнийг хүсэн ерөөе.