Тус ажлын хүрээнд боомтын барилгыг бүрэн буулгаж дахин засварлаж байгаа бөгөөд боомтын үйл ажиллагааг хэвийн явуулах үүднээс Сүхбаатар суманд байрлах “Видү” Гаалийн хяналтын бүсэд экспорт-импортын ачаа бараа бууж, гаалийн хяналт, бүрдүүлэлт хийгдэж байгаа юм.

Тус гаалийн хяналтын бүс рүү орж, гарах хөдөлгөөн Сүхбаатар сумын 8-р багийн айл, өрхүүдийн дундуур өнгөрдөг бөгөөд өдөрт 40-60 том оврын тээврийн хэрэгсэл зорчиж байгаа нь тухайн бүсэд их хэмжээний тоосжилтыг тогтмол үүсгэж, амьдрах орчны стандартыг алдагдуулж, эрүүл аюулгүй орчинд амьдрах эрхийг нь зөрчиж, иргэдийн бухимдлыг ихээр үүсгээд байсан. Уг асуудлыг салбарын сайдад уламжилж санхүүжилтийг шийдвэрлүүлсний дагуу энэхүү замыг сайжруулан засварлах ажил хийгджээ.

Сэтгүүлч

Сэтгүүлч Ц.Соёлмаа soyolmaa@vip76.mn