Монголын ажилтан, албан хаагчдын ҮЭ-ийн холбоо, Хүнс, ХАА, байгаль орчны ажилтны ҮЭ-ийн холбоо хамтран Соёлын яамны удирдлагууд болон салбар, орон нутгийн ҮЭ-ийн холбоо, аймаг, сумын соёл урлагийн салбарын ажилчид, ҮЭ-ийн гишүүдийг оролцуулсан цахим хэлэлцүүлэг зохион байгууллаа.

Тус хэлэлцүүлгээр

• Соёл урлагийн салбарын цалин хөлс
• Нэмэгдэл, урамшуулал, илүү цаг
• Нийгмийн асуудал
• Хамтын гэрээ хэлэлцээрийн биелэлт зэрэг асуудлыг хөндөв. 

Мөн энэхүү хэлэлцүүлэгт аймаг, орон нутгийн салбарын гишүүн байгууллагуудын ажил олгогч, ҮЭ-ийн дарга нарыг оролцуулан 2021-2022 оны Соёлын яам болон ХХААХҮЯ-тай байгуулсан салбарын хамтын хэлэлцээрийн хэрэгжилтийг танилцуулж, 2023-2024 оны салбаруудын Шинэ-хамтын болон /тарифын/ хэлэлцээрийг үр дүнтэй байгуулахад аймаг, орон нутгийн ҮЭ-ийн холбоод, аймаг орон нутаг дахь салбарын гишүүн байгууллагуудын удирдлага, ҮЭ-ийн сонгуультнуудаас шинэ салбарын хэлэлцээрт санал авлаа.

“Хөдөлмөрийн тухай" Монгол Улсын хуулийн шинэчилсэн найруулгын хэрэгжилтийг хангах, салбар, аймгийн ҮЭ-ийн холбоод, салбарын анхан шатны хороодын хамтын ажиллагааг идэвхжүүлэх, МҮЭХ-ны хөгжлийн хөтөлбөрийг хэрэгжүүлэх ажлын хүрээнд зохион байгуулагдсан уг хэлэлцүүлэгт аймаг, сумын соёлын газар, театр, музей, номын сан болон ХАА, мал эмнэлэг, цаг уур, байгаль орчны газруудын захиргаа, ҮЭ-ийн хороодын дарга, идэвхтэн, сонгуультны төлөөлөл 4000 орчим оролцогч цахимаар оролцов.