Цэргийн үүрэгтэн, бэлтгэл офицеруудын шинэчилсэн тоо бүртгэлийн дүнг дүүргүүдээр авч үзвэл Баянгол 93,2, Баянзүрх 90,9, Сонгинохайрхан 90,4, Сүхбаатар 95,9, Чингэлтэй 95, Хан-Уул 92,6, Налайх 95,2, Багануур 91,9, Багахангай 94,7 хувьтай бүртгэгджээ. Нийслэлийн хэмжээнд 2009 оны жилийн эцсийн суурин хүн амын тоотой харьцуулахад 93,3 хувийн хамралттай гарсан байна. Нийслэлийн Засаг даргын захирамжаар цэргийн тоо бүртгэлийн ажлын хэсэг байгуулж,төлөвлөгөөний дагуу хариуцсан эзэнтэй, байнгын хяналттай ажилласан бөгөөд Цэргийн штабын офицерүүд 9 дүүрэгт хуваарилагдан шуурхай зохион байгуулснаар иргэд тоо бүртгэлд идэвхи сайтай хамрагджээ. Бүртгэлд хамрагдаагүй 8826 хүн үлдсэн бөгөөд хуулийн дагуу хариуцлага тооцох юм байна.