"Төрийн мэдээлэл" эмхтгэлийн 07 дахь дугаар хэвлэгдэн гарлаа. Энэ удаагийн дугаарт Банкны тухай хууль /шинэчилсэн найруулга/-ыг нийтэлсэн байна.

bank_vip76 Банк байгуулах зөвшөөрөл олгох, түүнийг хүчингүй болгох, банкны удирдлага, зохион байгуулалт, үйл ажиллагааны үндсэн зарчмыг тогтоох, банк болон банкны нэгдлийн үйл ажиллагаанд хяналт тавих, тэдгээрт албадлагын арга хэмжээ авахтай холбогдсон харилцааг энэхүү хуулиар зохицуулах юм. Банкны эрхлэх үйл ажиллагаа, банк, түүний хараат болон охин компанид хориглох үйл ажиллагаа, банкны зар сурталчилгаа, мөнгөн хадгаламж, зээл, төлбөр тооцооны үйлчилгээ, батлан даалт гаргах гэх мэт үйл ажиллагааг энэхүү хуулиар хэрхэн зохицуулахыг "Төрийн мэдээлэл"-ээс танилцах боломжтой.

Банкны үйл ажиллагаанд хийх хязгаарлалт, банк үүсгэн байгуулах, бүрдүүлэх баримт, банк үүсгэн байгуулагчид тавих шаардлага, банкны дүрэм, тусгай зөвшөөрөлтэй холбоотой бүхий л мэдээлэл эмхтгэлийн хуудаснаа бий.

Банкинд хүлээлгэх албадлагын арга хэмжээ, онцгой дэглэм тогтоох, бүрэн эрхт төлөөлөгч томилох, банкны эрх хүлээн авах, банкны дампуурлыг зарлахтай холбоотой асуудлыг хэрхэн зохицуулахыг хуулийн шинэчилсэн найруулгаас танилцах боломжтой.

Төв банк /Монголбанк/-ны тухай хуульд нэмэлт, өөрчлөлт оруулах тухай хуулийг мөн нийтэллээ. Уг хуульд мөнгөн тэмдэгтийг хуурамчаар үйлдэхтэй тэмцэх, Монголбанкны хянан шалгагч, хянагчийн хянан шалгалт хийхээс татгалзах үндэслэл, Монголбанкны алдагдлыг нөхөх асуудлыг зохицуулах зүйл заалтыг нэмсэн байна.

Монголбанкны Тэргүүн дэд ерөнхийлөгч, Дэд ерөнхийлөгчийг албан тушаалаас чөлөөлөх, томилох тухай УИХ-ын тогтоолыг тус тус нийтэлжээ.

Төрийн мэдээлэл эмхтгэлийн ээлжит дугаар гарлаа