Баянгол дүүргийн Гэмт хэргээс урьдчилан сэргийлэх ажлыг зохицуулах салбар зөвлөл, Замын цагдаагийн хэлтсээс уламжлал болгон зохион байгуулдаг “Замын хөдөлгөөний цагаан толгой” тэмцээн  амжилттай болж өндөрлөлөө.

Тэмцээнд оролцогч багууд мэндчилгээ, гэрийн даалгавар, буухиа, урлагийн тоглолт төрлөөр оюун ухаан, авхаалж самбаа, хурд хүчээ сорьж өрсөлдсөнөөс 197 дугаар цэцэрлэг 145 оноогоор тэргүүлж, цом, медаль, өргөмжлөл мөнгөн шагналы эзэн болсон бол 198 дугаар цэцэрлэг 136 оноогоор дэд байрт, 97 дугаар цэцэрлэг 128 оноогоор гутгаар байрт шалгарлаа.

Өдөр бүр зам тээврийн осол гэмтэл бүртгэгдэж, хүүхдүүд гэмтэх, бэртэх цаашлаад амь насаа алдсаар байна. Сүүлийн гурван жилийн дунджаар улсын хэмжээнд 15 хүртэлх насны 43,615 хүүхэд гэнэтийн осолд өртсөн гэсэн тоо бий.

Энэ нь өдөрт 114 хүүхэд гэнэтийн осолд өртдөг гэсэн үг.

Тиймээс хүүхдийг зам тээврийн осол, хэргээс урьдчилан сэргийлэх, замын хөдөлгөөний дүрэм болон эрх зүйн мэдлэгийг дээшлүүлэх, үүднээс сургуулийн өмнөх насны боловсролын байгууллагуудын дунд “Замын хөдөлгөөний цагаан толгой” тэмцээнийг жил бүр зохион байгуулдаг.

Тэмцээний нэгдүгээр байрт шалгарсан баг тамирчид нийслэлийн 9 дүүргийн цэцэрлэгүүдтэй өрсөлдөх юм.