НҮБ-ын Статистикийн комиссын 41-р чуулганд оролцож байгаа ҮСХ-ны дарга С.Мэндсайхан тэргүүтэй төлөөлөгчид UN_vip76 НҮБ-ын Ази Номхон далайн эдийн засгийн, нийгмийн комиссын Статистикийн хэлтсийн дарга хатагтай Хайшан Футай Нью Йорк хотноо НҮБ-ын төв байранд хоёрдугаар сарын 24-ны өдөр уулзлаа.

Уулзалтын үеэр хоёр байгууллагын харилцаа, хамтын ажиллагаа сүүлийн жилүүдэд нилээд өргөн хүрээнд явагдаж байгааг талууд тэмдэглэж, хамтын ажиллагааны хүрээнд НҮБ-ын Ази Номхон далайн эдийн засгийн комиссоос зохион байгуулж буй сургалт, семинар, судалгаанд Үндэсний статистикын хорооны төлөөлөгчдийг оролцуулж байгаад сэтгэл хангалуун байгаагаа Хорооны дарга илэрхийллээ.

Түүнчлэн, НҮБ-ын Ази Номхон далайн ЭЗК-оос Монгол улсын Үндэсний Статистикын хороонд тодорхой сэдвүүдээр зөвлөхийн үйлчилгээ үзүүлж буйн зэрэгцээ Ази, Номхон далайн бүсийн Статистикийн хорооны эдийн засгийн зөвлөхийн багт ҮСХ-ны төлөөлөлийг багтаан ажиллуулж буйд талархал илэрхийллээ.

Уулзалтын үеэр цаашид хоёр байгууллагын хамтын ажиллагааг өргөжүүлэн хөгжүүлэх үйл ажиллагаанд харилцан чармайлт гаргах, ҮСХ-нд тодорхой чиглэл, сэдвээр зөвлөх үйлчилгээг НҮБ-ын Ази Номхон далайн ЭЗК-оос авахаар тохиролцсон байна.

Монголын статистикын газрын төлөөлөгчид дарга хадагтай Хайшин Футай уулзлаа