УИХ дахь Ардчилсан намын бүлэг хуралдав.

Хууль зүйн сайд Б. Энхбаяр "Бага насны хүүхэдтэй холбоотой хэргийн ялын бодлогыг чангалах" хуулийн төслүүдийн талаар танилцуулга хийлээ. Тэрээр хэргийн нууц задруулсан тохиолдолд ялыг чангатгах, мөн согтуугаар тээврийн хэрэгсэл жолоодож буй хэргийн ялыг хүндрүүлэх талаар хуулийн төсөлдөө тусгаж байгаа тухай мэдээллийг өгөв. Ардчилсан намын бүлгийн гишүүд хуулийн төслийг дэмжихээ илэрхийлж тухайлан тусгах шаардлагатай хэд хэдэн санал, санаачилга гаргалаа.

Мөн Монгол Улсын нэгдсэн төсвийн 2024 оны төсвийн хүрээний мэдэгдэл, 2025-2026 оны төсвийн төсөөллийн тухай хуульд өөрчлөлт оруулах тухай, Монгол Улсын 2024 оны төсвийн тухай, Нийгмийн даатгалын сангийн 2024 оны төсвийн тухай, Эрүүл мэндийн даатгалын сангийн 2024 оны төсвийн тухай хуулийн төсөл болон дагалдах бусад хууль тогтоомжийн төслийн талаар УИХ-ын гишүүн, Сангийн сайд Б.Жавхлан албаны хүмүүсийн хамт мэдээлэл өгөв.

Тэр этгээдүүд оноох ял 20 байсан 25 болчхож, одоо болихоос гэх үү.

УИХ-ын АН-ын бүлгийн дарга О.Цогтгэрэл “Бага насны хүүхдийн амь хөнөөсөн, хүчирхийлсэн этгээдэд оноох ялыг 25 жил болгож байгаа нь зөв үү. Тэр этгээдүүд оноох ял 20 байсан 25 болчхож, одоо болихоос гэх үү. Үүний цаана хүний заяагдмал хүсэл, сонирхол, эрх ашиг бий. Эдгээрийг тодорхой хэмжээнд хангаж өгөх зүйл дээр ямар бодлого барих вэ. Хүний заяагдмал хүсэл, хэрэгцээ хангагдахгүй байгаа учраас хүч хэрэглэх нөхцөл үүснэ. Нэгэнт хийсэн тул үүнийгээ нуун дарагдуулах хүсэл өндөр байдаг. Энэ нь хүний амь насыг хөнөөх гээд маш олон сөрөг үр дагавар бий. Тэгэхээр хуулийн хатуу хариуцлагаас гадна уян зөөлөн бусад зохицуулалтыг яаж нэмэгдүүлэх вэ гэдэгт ХЗДХ-ийн сайдаас хариулт авахыг хүслээ.

Францын групптэй уран боловсруулах талаар асуудлыг сонслоо. Энэ хаалттай асуудал тул орхиж байна. Ураныг эдийн засгийн шин гарц гаргалгаа болгох, гуравдагч хөршийн хөрөнгө оруулалт зарчмын хувьд зөв гэдэг дээр АН бүлэг санал нэгдсэн.

Улсын төсвийн асуудлыг хэлэлцлээ. Улсын төсөв 30 хувиар тэлсэн. Тэгвэл ард иргэдийн орлого 30 хувиар тэлсэн үү. Төсөв бол төрийн зарцуулах мөнгө. Хоноцын сэтгэлтэй төсөв биш биз” гэв.

О.Цогтгэрэл: Хүний заяагдмал хүсэл хангагдахгүй байвал хүч хэрэглэх нөхцөл үүснэ