Өнгөрсөн долоо хоногт УИХ-ын гишүүн Н.Батбаяр нарын өргөн мэдүүлсэн Ашигт малтмалын тухай хуульд өөрчлөлт оруулах тухай хуулийн төслийг хэлэлцэх эсэхийг хэлэлцэж, гишүүд дэмжлээ. Уг хуулийн төсөл хөрөнгө оруулалтын гэрээний хугацаа 30 жил гэсэн хатуу хугацааг 15 жил хүртэл гэж өөрчлөх нэг л заалттай байсан юм.

Асуудлыг хэлэлцэх үед УИХ-ын гишүүн Ж.Энхбаяр ашигт малтмалын талаар төрөөс баримтлах бодлого гартал эдгээр олон ашигт малтмал уул уурхайн салбартай холбоотой хуулийн өөрчлөлтүүдийг хэлэлцэхгүй байвал яасан юм? тэгэхгүй бол эдгээр өөрчлөлтүүд бодлогын том баримт бичигтэйгээ зөрчилддөг, цаашилбал захиалгын хуулиуд гараад байна. Энэ зохисгүй зүйл хэмээн хэлсэн юм.

П.Алтангэрэл гишүүн одоо өргөн баригдаад байгаа хуулийн өөрчлөлтүүдийг багцлах саналтай байгаагаа хэлсэн юм. Мөн Я.Батсуурь гишүүн бидэнд хэлэлцэх асуудал асар их байхад нэг хуулийг нэг нэг заалтаар нь өргөн бариад суугаад байдаг нь болж байна уу? өнөөдөр нэг хуульд дээр дөрвөн заалт, дөрөв хуваагдан хууль болж орж ирж байна. Надад ч гэсэн нэг ийм хууль байвал байна шүү дээ гэсэн юм.
Харин Ц.Даваасүрэн гишүүн монголын төр энгэр султай хүүхэн шиг байж болохгүй л гэж байна шүү дээ гэсэн бол Д.Ганхуяг гишүүн Оюутолгойн гэрээнээс өмнө энэ хуулийн төсөл батлагдах ёстой байсан юм гэсэн юм.

О.Батзаяа

Хөрөнгө оруулалтын гэрээний хугацааг 15 жил хүртэл гэж өөрчлөхийг дэмжлээ