Ардчилсан хүчний холбооны зүүн бүсийн чуулга уулзалт энэ сарын 27-29-ний өдрүүдэд Сүхбаатар аймгийн Дарьганга суманд болно. Зүүн бүсийн чуулга уулзалт нь АХХ-ноос зохион байгуулж буй гурав дахь бүсийн чуулга уулзалт юм. Өмнө нь хан dcu_logo

гайн бүсийн чуулга уулзалт Хөвсгөл аймагт, төвийн бүсийн чуулга уулзалт Дархан-Уул аймагт амжилттай, үр дүнтэй зохион байгуулагдсан.

АХХ монголоо шинэчлэх талаар өөрийн гишүүд болон нийгмийн дунд тогтмол хэлэлцүүлэг, сургалт, судалгаа, шинжилгээ, соён гэгээрүүлэх ажлыг хэрхэн зохион байгуулдаг. Бүсийн чуулга уулзалтуудын үеэр хэлэлцүүлэг, сургалтыг хэрхэн зохион байгуулах талаар орон нутгийн салбар холбооддоо сургалт явуулж, гишүүдээ шинэлэг мэдээ мэдээллээр хангах нь бүсийн чуулга уулзалтын гол зорилго юм. АХХ-ны үйл ажиллагааны хэлбэр нь гадны бусад хөгжилтэй орнуудын жишгээр иргэд өөрсдийн болон улс орны өмнө тулгамдсан асуудлуудыг шийдвэрлэхдээ сонирхлын бүлэг, клубуудыг үүсгэн байгуулж, хамтдаа асуудлаа хэлэлцэх, үйл ажиллагаагаа идэвхтэй явуулах арга замаар нийгмийн шинэчлэлд оролцох юм. Энэхүү клуб, сонирхлын бүлгүүдийг хэрхэн зохион байгуулах талаар сургалтууд бүсийн чуулга уулзалтын үеэр болно.

АХХ-ны зүүн бүсийн чуулга уулзалтад Сүхбаатар, Хэнтэй, Дорнод аймаг болон нийслэлийн дүүргүүд оролцоно.

Зүүн бүсийн чуулга уулзалт Сүхбаатар аймагт болно