УИХ-ын чуулганы /2024.12.26/-ны өдрийн хуралдаанаар Монгол Улсын Засгийн газраас санаачлан боловсруулсан “Монгол Улсын Засгийн газар, Бүгд Найрамдах Хятад Ард Улсын Засгийн газар хооронд Гашуунсухайт-Ганцмод боомтын хил дамнасан төмөр замын бүтээн байгуулалтыг хэрэгжүүлэх хэлэлцээрийг байгуулахад баримтлах чиглэл батлах тухай” Улсын Их Хурлын тогтоолын төслийг хэлэлцлээ.

УИХ-ын гишүүн Б.Баярбаатар:

Бидэнд улс төржих сэдэв байна. Улс төржиж болохгүй сэдэв гэж байна. Өнөөдөр энэ 126 гишүүнтэй парламентын ирэх холын зорилтыг дэвшүүлсэн ийм түүхэн шийдвэрүүдийг гаргах мөч гэж харж байгаа. Засгийн газраас яаралтай хэлэлцүүлэх горимоор оруулж ирсэн энэ 3 том төсөл бол бид нарын мөрийн хөтөлбөртөө тусгасан 14 мега төслийн гол эхлэл. Хэрвээ бид үүнийг дэмжихгүй бол дараа,дараагийн асуудлууд явахааргүй харагдаж байгаа юм. Үүнд улс төржилт битгий ороосой гэж хүсмээр байна.

Ажиллах хүчний хуулийг татаж авдагтай холбоотойгоор санаатай болон янз бүрийн зорилго ашиг сонирхлын үүднээс асуудлыг гацаадаг нөхдүүд өнөөдөр өөрсдөө ирээгүй л байна. Парламент хариуцлагатай энэ зүйл дээр хандах нь зөв. Геополитикийн хувьд бол Монгол Улсад чухал ач холбогдолтой зүйл. Өнөөдөр бид нар 2 хөршийнхөө болон гуравдагч хөршийн харилцаатай холбоотой асуудлыг шийдвэрлэнэ. Аль нэг нь дэмжигдэж аль нэг нь унах боломж гаргах шаардлагагүй. Мэдээж олон ургалч үзэл санал бодлоо илэрхийлэх нь зөв. Тэгэхдээ бид алсдаа Монгол Улсын эдийн засаг, нийгмийн нөхцөл байдал, энэ хөгжилд хэр үр үр дүн гарах вэ гэдэг асуудлыг энэ парламентад сууж байгаа гишүүд маань томоор харах нь зөв болов уу гэж харж байна.

Монгол Улс өнгөрсөн хугацаанд бараг 2008 оноос 2009 оноос хойш 14,15 жилийн хугацаанд маш хариуцлагагүй хандаж ирсэн. Улсын нууцад хамааруулж байгаад янз бүрийн асуудлыг нь гацаасан юм байна лээ. Янз бүрийн танк,манк орж ирнэ гэж цариг ярьж байгаад тодорхой хугацаанд гацаасан. Энэ хугацаанд эдийн засгийн маш том боломжийг алдсан. Ганцхан Монгол Улсдаа алдах төдийгүй урд хөршдөө энэ алдагдлыг бас давхар үүрүүлсэн. Тэгэхээр одоо цаашид ийм алдаа дутагдлыг дахиж гаргахгүйгээр асуудалдаа хандаад явах нь зөв. Мэдээж одоо 100% төгс явна гэж юу байх вэ. Янзан бүрийн дайралт, янз бүрийн шүүмжлэл, гомдол саналууд олноор орж ирнэ.Ирээдүйн хөгжил, эдийн засгийн нөхцөл байдлыг илүү сайжруулах ойрын зайны эрсдэлээс айж холын зайны зорилгоо бид нар үгүйсгэж болохгүй. Гишүүд мэргэжлийн байнгын хороодоос оруулж ирсэн саналыг дэмжиж саналаа өгөхийг уриалж байна.

Б.Баярбаатар: Өнгөрсөн 14,15 жилийн хугацаанд улстөржиж гацсан энэ төслийг дэмжих нь зүйтэй