УИХ-ын гишүүн Ч.Ундрам Сэлэнгэ аймгийн Шаамар сумын иргэн Цэвээндоржийн Цогтнамжилд Алтангадас одон хүртээснийг өнөөдөр гардуулан өглөө. 

Тодруулбал, Монгол Улсын Ерөнхийлөгч Ухнаагийн Хүрэлсүх зарлиг гарган, анхдугаар Үндсэн хуулиа баталж, Бүгд найрамдах улсаа тунхагласны түүхт 100 жилийн ойг тохиолдуулан салбартаа олон жил үр бүтээлтэй ажиллаж, эрхэлсэн ажилдаа онцгой амжилт гарган, эх орныхоо хөгжил дэвшилд үнэтэй хувь нэмэр оруулсан хэмээн Ц.Цогтнамжилыг шагнажээ.

Төрийн хүндэтгэл хүлээж Алтангадас одон хүртсэн Ц.Цогтнамжил болон Таны гэр бүл, хамтран зүтгэгчдэд амжилтын дээдийг хүсэн ерөөе хэмээн Ч.Ундрам гишүүн амжилт хүсэв.