УИХ дахь Ардчилсан Намын бүлгийн өнөөдрийн \2024.01.20\ ээлжит хурал боллоо. 

Бүлгийн хурлаар Монгол Улсад Газрын тос боловсруулах үйлдвэр барих төслийг шалган судлах, холбогдох санал дүгнэлт, шийдвэрийн төсөл гаргах үүрэг бүхий Аж үйлдвэржилтийн бодлогын байнгын хорооны ажлын хэсгийн мэдээллийг сонслоо.  

Ажлын хэсгийн ахлагч УИХ-ын гишүүн Л.Мөнхбаясгалан, Үндэсний аудитын газрын эрсдэлийн удирдлагын газрын захирал Д.Отгонбаяр, УИХ дахь Ардчилсан намын бүлгийн зөвлөх, эдийн засагч А.Батпүрэв нар гишүүдэд мэдээлэл өгөв.

Үргэлжлүүлэн "Нийслэл Улаанбаатар хотын 2040 он хүртэлх хөгжлийн ерөнхий төлөвлөгөөг батлах тухай" Улсын Их Хурлын тогтоолын төслийн тухай мэдээллийг сонслоо. УИХ-ын гишүүн, Хот байгуулалт, барилга орон сууцжуулалтын сайд Ж.Батсуурь болон албаны хүмүүс тогтоолын төслийн танилцуулгыг хийж гишүүдийн асуусан асуултад хариуллаа.

Түүнчлэн Төрийн болон орон нутгийн өмичит компанийн бүтээмж, ил тод байдал, засаглалыг сайжруулах тухай хуулийн төсөл болон хамт өргөн мэдүүлсэн хууль, тогтоолын төслүүдийн талаар хэлэлцэж, бүлгийн гишүүд байр сууриа илэрхийлэв.