УИХ-ын чуулганы /2025.01.24/-ний өдрийн хуралдаанаар “Нийслэл Улаанбаатар хотын 2040 он хүртэлх хөгжлийн ерөнхий төлөвлөгөөг батлах тухай” Улсын Их Хурлын тогтоолын төслийг хэлэлцэх эсэхийг хэлэлцлээ.

Уг асуудалтай холбоотойгоор гишүүд асуулт асууж, үг хэллээ.

УИХ-ын гишүүн Л.Соронзонболд: 

Улаанбаатар хотын 2040 он хүртэлх хөгжлийн ерөнхий төлөвлөгөөтэй танилцлаа. Эдийн засгийн, байгаль орчны, нийгэм соёлын гээд тус бүрд нь хүчин зүйлс болгоноор нь дэлгэрэнгүй төлөвлөгөө гаргасан нь сайн болсон байна. Ажлын хэсэг сайн ажилласан байна гэж дүгнэж байна. Салбар бүрдэх хүчин зүйлс тус бүрээр нь богино, дунд хугацаанд хүрэх зорилгодоо хэмжихийн тулд датагаа хэрхэн цуглуулах вэ? ямар аргачлал ашиглах юм. Нарийвчилсан төлөвлөгөөг цаанаа туссан байгаа юу? Хоёрдугаарт Улаанбаатарын хувьд хамгийн тулгамдсан асуудал нь өвөлдөө агаарын бохирдол байгаа. Тэгэхдээ агаарын бохирдол маань энэ 2040 ерөнхий төлөвлөгөө дотроо  ерөөсөө хэмжих үзүүлэлттэйгээр хүрэх үр дүнтэйгээр тусгагдаагүй байна уу даа гэж харж байна. Дэд бүтцийн чиглэлийн хөрөнгө оруулалтууд хийснээрээ цаашдаа агаарын бохирдол буурна хэмээн тооцсон байх. Энэ төлөвлөгөө дээр тодорхой хэмжээнд хэмжих нэгжтэй, үр дүнд хүрэх зорилготой байх ёстой. НҮБ-ын харьяа 16 байгууллагын дэмжсэн. Ухаалаг тогтвортой хөгжлийн хотын нэгдсэн ийм түлхүүр үзүүлэлтүүдийг гаргасан байдаг юм байна. Үүнийг бас анхаараарай. Гуравдугаарт энэ 15 жилийн төлөвлөгөөг хэрэгжүүлэхэд нийтдээ 237 их наяд төгрөг хэрэгтэй гэж төсөв дээр тусгачихсан байна. Ойролцоогоор харахаар дэд бүтцийн нийгмийн чиглэлийн бүтээн байгуулалтуудаа төр хариуцна, үлдсэнийг нь хувийн сектороор оруулна гэж бодох юм бол 142 их наяд төгрөгийг бол хувийн сектороор оруулахаар байгаад байна. Тэгтэл хувийн сектор маань өнөөдөр энэ газрын маргаан бизнес хоорондын маргаан, шүүхийн шийдвэр гүйцэтгэл дээр уддаг гээд ийм олон асуудал байдаг учраас өнөөдөр хөрөнгө оруулалт хийх тал дээр нэлээн эргэлзсэн байдалтай байгаа. Улаанбаатар хотын 2040 хүртэлх ерөнхий төлөвлөгөө гэхгүйгээр энэ хувийн сектор өөрөө бие дааж хөрөнгө оруулах орчныг сайжруулах талаар энэ шүүхтэй холбоотой асуудлууд. Арилжааны маргааны асуудал, шүүхийн шийдвэр гүйцэтгэлийн асуудлыг сайжруулах талаар Ерөнхий сайдын зүгээс ямар ажлууд хийхээр төлөвлөж байна вэ?

Түүний асуултад Ерөнхий сайд Л.Оюун-Эрдэнэ, Нийслэл хотын засаг дарга Х.Нямбаатар нар хариулав.

Сэтгүүлч

Сэтгүүлч Б.Хонгорсайхан