УИХ-ын гишүүн Б.Бат-Эрдэнэ Булган аймгийн Рашаант сумд 2025-01-25-ний өдөр ажиллав. Булган аймгийн Рашаант суманд хийсэн уулзалтаар иргэддээ УИХ-ын намрын ээлжит чуулганаар хэлэлцсэн хуулийн төслүүд болон улсын төсвийн талаарх дэлгэрэнгүй мэдээллийг өглөө.

Тэрбээр иргэдтэй уулзах уулзалтын үеэр хэлсэн үгэндээ,

"Малчдын хувьд, Малчны тухай хуулинд оруулж буй Малын индексжүүлсэн даатгалд заавал хамрагдах заалтыг эсэргүүцэхийн дээр Малын индексжүүлсэн даатгалын тухай хуулийн нэмэлт өөрчлөлтийг хийхдээ малчдаас заавал санал авах, Тусгай хамгааталттай газар нутагт амьдарч буй иргэдийн хувьд хуулийн өөрчлөлтийг заавал хийх, санал авах, ээлтэй байхыг хүсэж байна" гэв.

Мөн иргэдийн зүгээс Монгол Улсын Засгийн газар эдийн засгийг тэлэх бодлогын хүрээнд явуулж буй 14 мега төслийг дэмжиж байгаагаа илэрхийлэв.

Түүнчлэн иргэдээс өгсөн саналын дийлэнх нь орон нутагт ажлын байрыг бий болгох, боловсруулах үйлдвэрүүд бий болгох, босоо тэнхлэгийн замтай болох, ногоон тэжээд тариалах газар олгох, шинэ хоршоо хөдөлгөөнийг идэвхжүүлэх, зээлийн хүү бууруулах саналууд байлаа.

Малын индексжүүлсэн даатгалын тухай хуулийн нэмэлт өөрчлөлтийг хийхдээ малчдаас санал авахыг уламжиллаа