Монгол Улсын Ерөнхийлөгч У.Хүрэлсүхийн санаачилсан "Цагаан алт" үндэсний хөтөлбөр хэрэгжиж байгаатай холбогдуулан Монгол төрийн тэргүүнтэй ХХААХҮ-ийн сайд Ж.Энхбаяр хамт ажиллаж байна. 

Тэд энэ сарын 13-нд ноос, ноолууран бүтээгдэхүүн үйлдвэрлэлийн "Сноу филдс" компанийн үйл ажиллагаатай танилцлаа.

Тус компани ноос, ноолуур, хөөврийг эцсийн бүтээгдэхүүн болгон экспортлох чиглэлд анхаарч, үйлдвэрлэлийнхээ хүчин чадлыг нэмэгдүүлэхээр зорьж байна.

"Цагаан алт" үндэсний хөдөлгөөний хүрээнд:

Ноолуурын бүрэн боловсруулалтын түвшнийг 20-40 хувь хүртэл нэмэгдүүлж,

Ноосны боловсруулалтын түвшнийг 25-55 хувь хүртэл нэмэгдүүлж,

Арьс, ширний гүн боловсруулалтын түвшнийг 30-50 хувь хүртэл нэмэгдүүлж,

Нийт 8-10 мянган ажлын байр шинээр бий болно.