УИХ-ын 2025 оны хаврын ээлжит чуулган нээлтээ хийлээ. Чуулганы нээлтэд Монгол Улсын Ерөнхий сайд Лувсаннамсрайн Оюун-Эрдэнэ, Үндсэн хуулийн цэцийн гишүүд, Улсын Их Хурлаас удирдлага нь томилогддог байгууллагуудын дарга нар, Монгол Улсад суугаа гадаад улс орны Элчин сайдууд, олон улсын байгууллагын тэргүүнүүд оролцлоо.

Чуулганы нээлтийн үеэр УИХ-ын дарга Д.Амарбаясгалан “Олон түмний нэрийг баривч цөөн хэдэн хүний хүсэл далд шургалсан цахим сүлжээгээр өнөөдрийн Монголын амьдрал хөгжил хэмжигдэх учиргүй гэдгийг онцоллоо. Мөн аливаа хурсан асуудлыг цаашид захиргааны бус харин оролцоо зөвшилцлийн аргаар шийдвэрлэх эрх зүйн орчин бүрдүүлэхийг нэн тэргүүнд дэмжин ажиллана гэдгийг хэлсэн бөгөөд Монгол Улсын Засгийн Газар аймаг нийслэлийн удирдлагууд хамтран бүсчилсэн хөгжлийн бодлого үзэл баримтлалын хэрэгжлийг хэрэгжилтийг эрчимжүүлэх төрийн албаны хүний нөөцийн бодлогыг тодорхойлж бэлтгэхэд нэн тэргүүнд засаг захиргаа төрийн байгууллагын оновчтой бүтэц зохион байгуулалтыг хийнэ. Тулгамдсан асуудлаа ярилцаж шийдвэрлэх хөдөөгөөс хот руу чиглэх урсгалыг хотоос хөдөө орон нутаг руу чиглүүлэх хөдөөгийн сэргэлтийг идэвхжүүлэх шаардлагатай хуулийн төсөл арга хэмжээнүүдийг энэ хаврын чуулганаараа боловсруулан хэлэлцүүлж бүсийн тогтвортой хөгжлийг бий болгоход анхаарч ажиллах хэрэгтэй байна” гэлээ.

Хаврын ээлжит чуулганаар Монгол Улсын нэгдсэн төсвийн 2026 оны төсвийн хүрээний мэдэгдэл, 2027-2028 оны төсвийн төсөөллийн тухай хуулийн болон “Монгол Улсын хөгжлийн 2026 оны төлөвлөгөө батлах тухай”, “Монгол Улсын 2024 оны төсвийн гүйцэтгэл батлах тухай”, “Засгийн газрын өрийн удирдлагын 2026-2028 оны стратегийн баримт бичиг батлах тухай”, “Монгол Улсын Их Хурлын 2025 оны намрын ээлжит чуулганы хугацаанд хийх төлөвлөгөөт хяналт шалгалтын цаглавар батлах тухай”, “Монгол Улсын Их Хурлын 2025 оны намрын ээлжит чуулганаар хэлэлцэх асуудлын тухай” хэлэлцэхээр Улсын Их Хурлын тогтоолын төслүүдийг тусгаад байна.