Япон улсын Нийгата мужийн Нагаока хотын захирагч Тацунобү Исодаг хүлээн авч уулзан Монгол дахь Коосэн технологийн коллежийг Японы Коосэн сургуулийн түвшинд хүртэл сургалтын чанарт анхаарч ажиллах нь нэн чухал бөгөөд үүнд Монгол, Япон багш нар хоорондын хамтын ажиллагааг дэмжих замаар “ЖАЙКА ОУХАБ”-тай хамтран ажиллаж болох талаар санал солилцлоо.

Мөн Нагаока хотын дарга Тацүнобү Исодагийн зүгээс Нагаокагийн шинжлэх ухаан, технологийн их сургуулийн гадаад оюутныг дэмжин ажилладаг “Мүцүми-кай” холбооны жишгээр, Нагаока хотын засаг, захиргааны хэмжээнд их сургууль, коосэн технологийн коллеж, аж үйлдвэр болон хотын засаг захиргааны дөрвөн талт хамтын ажиллагааны тогтолцоог бүрдүүлэхэд онцгойлон анхаарч, “ЖАЙКА ОУХАБ”-тай хамтран Өвсний үндэс төслийн хүрээнд Монгол Улстай хамтын ажиллагааг хөгжүүлэн ажиллаж байгаагаа дурдлаа.

Монгол Улсад Япон Улсаас хүрэлцэн ирэх сургагч Япон багш нарыг бид ижил сэтгэлээр дэмжин, гадаад оюутныг дэмждэг “Мүцүми-кай” холбооны жишгээр, Япон багш нарыг дэмждэг холбоог Монгол Улсад байгуулж, дэмжин ажиллах сонирхолтой байгаа гэдгээ уламжиллаа.