Ээдрээтэй нөхцөл байдал, завгүй хэлэлцүүлэг дуусч төсөв батлагдлаа. Цалин тэтгэвэр, тэтгэмжүүдийг нэмэх, зарлагыг хязгаарлаж зарцуулалтын үр ашгийг нэмэгдүүлэхийг дэмжиж оролцлоо.

Тэр дундаа УИХ-ын гишүүнээр итгэл үзүүлж сонгосон хангайн бүсийн иргэдийнхээ төлөө бусад 8 гишүүдийнхээ хамтаар 2026 онд санхүүжүүлэх хөрөнгө оруулалтын төсөл, арга хэмжээнүүд дээр анхаарч ажилалаа. Үүний үр дүнд Хангайн бүсийн хэмжээнд шинээр 361 тэрбум 301.1 сая төгрөгийн төсөвтэй хөрөнгө оруулалтын төсөл, арга хэмжээ хэрэгжин, барилга байгууламж баригдахаар болж энэ оны төсөвт 113 тэрбум 684 сая төгрөг суулаа.

Мөн өмнө эхлүүлсэн 423 тэрбум 852 сая төгрөгийн төсөл арга хэмжээг үргэлжлүүлэхэд зориулж 168 тэрбум 459 сая төгрөгийг батлуулсан нь нийлбэр дүнгээрээ чамлахааргүй тоо юм.

Бүсийн аймгуудаас жишээ болгож Өвөрхангай аймагт шинээр хэрэгжүүлэх зарим төсөл, арга хэмжээг дурьдвал;

Арвайхээр Баянхонгор чиглэлийн автозамаас Уянга сум хүртэлх 50 км хатуу хучилттай авто замын эхлэл (10.000.0 сая төг)
Арвайхээр-Богд сум чиглэлийн 170км хатуу хучилттай авто замын эхлэл (10.000.0 сая төг)
Хужирт сумын төвийн хатуу хучилттай авто зам болон Хавцалын голын гүүр (2.000.0 сая төг)
Шанхын хийдийг сэргээн засварлах зураг төсөв (500.0 сая төг)
Баруунбаян-Улаан суманд 250 суудал бүхий спорт залны барилга
Хархорум хотын хөгжлийн ерөнхий төлөвлөгөө (3.098.9 сая төг)
Хархорин сумын Номын хүрдэн сургуулийн спорт заалны барилга (1.200.00 сая төг)
Уянга, Зүүнбаян-Улаан сум Онги-Цагаан бургастай төсөл (9.000.0 сая төг)
Боловсролын салбарын тоног төхөөрөмж хангайн бүс (1.000.0 сая төг)
Сургуулийн лабораторийн танхимын тоног төхөөрөмж хангайн бүс (2.000.0 сая төг)
Хөдөө аж ахуйн салбарын тоног төхөөрөмж хангайн бүс (8.000.0 сая төг)
Эрүүл мэндийн салбарын тоног төхөөрөмж хангайн бүс (2.000.0 сая төг)
Хархорин сум дахь шүүхийн шийдвэр гүйцэтгэх газрын барилга/Энэхүү барилга баригдах хүрээнд хаус хорооллын дулааныг шийдвэрлэх зорилготой (3.104.5 сая төг)
Арвайхээр суманд гал түймэх унтраах, аврах ангийн барилга (2.059.2 сая төг)

зэрэг болно. Өмнөх оны төсөл, арга хэмжээнүүд мөн үргэлжилнэ. Бүсийн аймгуудын нийт дүн, жагсаалтыг зураг хэлбэрээр хавсаргаж оруулсантай танилцна уу.

Хамтдаа зүтгэсэн бүсийн гишүүд болон асуудалд нааштайгаар хандаж дэмжсэн Б.Дэлгэрсайхан, П.Наранбаяр, Б.Жавхлан болон С.Амарсайхан сайд нарт сонгогчдынхоо өмнөөс талархлаа илэрхийлье.

Аймгуудын төсвийг жигд хэмжээгээр танасантай холбоотойгоор орон нутгийн удирдлагуудаас саналаа илэрхийлсэн, энэ удаагийн төсөвт багтаагүй төсөл арга хэмжээг хэрэгжүүлэхээр зорьж, тэдэнтэйгээ тогтмол хамтран ажиллах болно.

О.Алтангэрэл: Хангайн бүсийн хөрөнгө оруулалтын төсөл, арга хэмжээнд 113 тэрбум 684 сая төгрөг суулаа