Хөвсгөл аймгийн дулааны станц 2024 оноос суурилагдсан хүчин чадлаасаа давсан, өндөр ачаалалтай халаалтын оргил үед бэлтгэл зуухгүй, аваарын горимоор ажиллаж, Мөрөн сумын айл өрх, албан байгууллагын 40 мянга гаруй иргэд ХОЁР жилийн турш хүндхэн өвлийг давсан.

Улмаар УИХ-ын гишүүн Л.Мөнхбаатар Монгол Улсын хөгжлийн 2024 оны төлөвлөгөө батлах тухай УИХ-ын тогтоолд Хөвсгөл аймгийн дулааны станцыг 21мвт-аар-аар өргөтгөх зарчмын зөрөөтэй саналыг гаргаж дэмжүүлснээр, Хөвсгөл аймаг дулааны станцаа өргөтгөх боломжтой болж, санхүүжилтэд 16 тэрбум төгрөгийг улсын төсөвт нэмэх саналыг гаргаж батлуулж чадсан.

Дулааны станцын барилгын гүйцэтгэлийн хугацаа 2024-2026 он хүртэл үргэлжлэхээр тусгасаныг 2025 онд барьж ашиглалтад оруулах талаар Эрчим хүчний сайдад албан бичгээр хандаж, төсвийн тодотголоор төсөвт өртгийг нэмэгдүүлж, хэрэгжих хугацааг энэ он болгон наашлуулсан.Үүний үр дүнд өвөлдөө хасах 40 хэм хүрч хүйтэрдэг, Хөвсгөл аймгийн төв Мөрөн хот Дулааны станцаа 21мВт-аар өргөтгөж, дулааны эрчим хүч үйлдвэрлэлээ 70 хувиар нэмэгдүүллээ.

Мөрөн хотын аж ахуйн нэгж байгууллага, 40 мянга орчим айл өрх ая тухтай, орчинд ажиллаж амьдрах боломж бүрдлээ. Энэхүү мөрөн хотын дулааныг нэмэгдүүлэх чухал бүтээн байгуулалтад өндөр үр ашигтай, байгаль орчинд ээлтэй тоноглол буюу “ЭРГЭЛДЭХ ҮЕТ БУЦЛАХ ДАВХАРГЫН ШАТАЛТЫН ТЕХНОЛОГИ” бүхий өндөр чадлын зуух, уутат шүүлтүүр хийцийн нарийн үнс баригч зэрэг орчин үеийн хэрэгцээ шаардлагад тоног төхөөрөмж суурилуулсан орчин үеийн систем болж байна.

Хөвсгөл аймгийн дулааны станц 21 МВТ-ын өргөтгөлөө ашиглалтад орууллаа