Улсын Их Хурлын даргын 2025 оны 523 дугаар захирамжаар Байгаль орчин, ногоон хөгжлийн асуудлаар санал дүгнэлт гаргах, холбогдох хууль тогтоомжийн төсөл боловсруулах үүрэг бүхий ажлын хэсэг байгуулагдсан билээ. Уг ажлын хэсгийн ахлагч, Улсын Их Хурлын гишүүн Б.Бат-Эрдэнэ өнөөдөр /2026.02.25/ Байгаль орчин, уур амьсгалын өөрчлөлтийн яамны холбогдох албан тушаалтнуултай уулзаж, Тусгай хамгаалалттай газар нутгийн тухай хуулийн шинэчилсэн найруулгын төслийн талаар санал солилцов.

Уулзалтын эхэнд тус яамны Тусгай хамгаалалттай газар нутгийн бодлогын хэрэгжилтийн газрын дарга Ц.Уранчимэг Тусгай хамгаалалттай газар нутгийн тухай хуулийн шинэчилсэн найруулгын төслийн зорилго, хамрах хүрээ, хуулийн төсөлд оруулж буй зарчмын гол өөрчлөлтүүд болон бодлогын шинэчлэлийн талаар танилцууллаа.

Ажлын хэсгийн ахлагч, Улсын Их Хурлын гишүүн Б.Бат-Эрдэнэ төслийн зохицуулалт, болон хүчин төгөлдөр мөрдөгдөж байгаа хууль тогтоомжийн хэрэгжилтийн асуудлаар тодруулга авч, хуулийн төслийг батлагдсан үзэл баримтлалын хүрээнд сайжруулах, зарим зохицуулалтыг илүү нарийвчлан боловсруулах чиглэлээр үүрэг, чиглэл өглөө.

Ажлын хэсгийн ахлагч Б.Бат-Эрдэнэ Тусгай хамгаалалттай газар нутгийн тухай хуулийн шинэчилсэн найруулгын төслийн талаар салбарын яамныхантай санал солилцов