УИХ-ын чуулганы /2026.03.30/-ны өдрийн нэгдсэн хуралдаанаар Монгол Улсын 35 дахь Ерөнхий сайдад нэр дэвшээд буй Н.Учралаас УИХ-ын гишүүд асуулт асууж, байр суурийг нь сонслоо.

УИХ-ын гишүүн А.Ганбаатар:

Ардын намын дарга , Монгол Улсын Ерөнхий сайд болох нь тодорхой харагдаж байна. Та Монгол Улсын Тэргүүн шадар сайдаар ажиллаж байхдаа Монголын хувьд гэдэг юм уу, эдийн засгийн хувьсгалын тохироо нь бол тэртээ, тэргүй Ерөнхий сайд дээр тодрох магадлал өндөр байсан. Тэгээд өөрөө та хариулсан арай хүсээгүй хугацаанд авах шиг боллоо, арай эрт авч уу гээд. Тэгээд таны өмнө эдийн засгийн хүндрэл нөгөө талд нь идэж уусан энэ авлигалын асуудал гэсэн 2 асуудал тулж байна. Эдийн засгийн хүндрэлийн хувьд та асуудал, шийдлээ гаргаад явах байх.

Үүн дотор татварын дарамтаас яаж чөлөөлөх юм бэ? Татварын багц хуулиуд хэлэлцэгдэхээр орж ирсэн байсан. Үүн дотор ерөөсөө тоо тавигдаагүй байна.Тухайлбал НӨАТ-ын 2015 онд, гаргасан 50 саяын тоог ерөөсөө хөдөлгөөгүй. Үүнийг та хэд хүргэж чадах юм бэ. Ядаж 1 тэрбум хүргэх юм бол энэ ААН-үүдийн нуруу нь жоохон амрах гээд байна. Аргаа бараад өнөөдөр Ж.Баярмаа гишүүн тэргүүтэй гишүүд хүн амын орлогын албан татварыг нэг хувьд хүргэх ийм хуулийн төсөл өргөн барьж байна. Үүн дээр ч гэсэн орлогын албан татварынхаа наяад хувийг татварт өгч байгаад иргэдийн нурууг яаж чөлөөлөх юм бэ.

А.Ганбаатар: Иргэдээ татварын дарамтаас хэрхэн чөлөөлөх вэ?