УИХ-ын гишүүн О.Саранчулууны санаачилгаар Хонг Конгийн сэргээн засах салбарын мэргэжилтнүүд Шейла Пурвэс, Кеннет Вонг нартай уулзалт зохион байгуулагдлаа.

Уулзалтад Бие бялдар сэргээн засах судлалын Монголын нийгэмлэг, Гэр бүл, хөдөлмөр, нийгмийн хамгааллын яамны төлөөлөл болон Сэргээн засах, туслах технологийн үндэсний төвийн удирдлагууд оролцож, салбарын хөгжлийн тулгамдсан асуудлуудын талаар санал солилцов.

Уулзалтаар дараах асуудлуудыг хэлэлцэв:

Туслах технологийн хөгжлийн чиг хандлага, үйлчилгээний хүртээмж
Протез, ортопедийн мэргэжилтний хүний нөөцийн дутагдал
PT, OT, ST болон P&O чиглэлийн мэргэжилтэн бэлтгэх тогтолцоог боловсронгуй болгох

4. Хүүхдийн сэргээн засах тусламж үйлчилгээ, ICF-ийн хэрэгжилт 5. Олон улсын сургалт, тэтгэлэг, туршлага солилцоог өргөжүүлэх боломж

Талууд сэргээн засах болон туслах технологийн салбарт хүний нөөцийг шат дараатай, тогтвортой бэлтгэх нь салбарын хөгжлийн үндэс гэдэгт санал нэгдэж, Монгол Улсад туслах технологийн төв байгуулах, чадавх бэхжүүлэх, олон улсын туршлагыг нутагшуулах чиглэлд хамтын ажиллагааг үргэлжлүүлэхээр тохиролцов.

Сэргээн засах, туслах технологийн салбарт Хонконгтой хамтран ажиллахаар болов