УИХ-ын гишүүн М.Бадамсүрэн ХХААХҮ-ийн сайдын алан үүргээ хүлээлгэн өглөө.

Хүнс, хөдөө аж ахуй, хөнгөн үйлдвэрийн сайдаар 4 сарын хугацаанд ажиллаад, улс төрийн шийдвэрийн дагуу хүлээлгэн өглөө.

Хаврын энэ өдрүүдэд 1 кг ноолуурын үнийг 200,0 мянган төгрөгт хүргэх олон жилийн зорилт биелэв.
Хаврын тариалалтад шаардлагатай 10,0 мянган тонн дизель түлшийг 1 литрийг нь 3400 төгрөгөөр тариаланчдад нийлүүлэх ажлыг хэрэгжүүлж байна.

Хөдөө аж ахуйн хөгжлийн төвүүдийг 70 сум дундын төв, 21 аймгийн төвд байгуулах эхний ээлжийн төлөвлөгөө, төсөв, хөрөнгө оруулалтыг батлав.

Хөдөө орон нутгуудад буюу баруун бүсээс бусад 5 бүсэд очиж ажиллалаа.

Улсын аварга малчдын шагналыг сонголттой болгож, хөдөө нутагт тохилог амьдрах, малынхаа тавлаг байдлыг хангахыг уриаллаа.

Тэжээл тариалахад зориулж 5 га хүртэлх газрыг эзэмшүүлэх хуулийн төсөл бэлэн болсон.
Жижиг, дунд үйлдвэр, үйлчилгээ эрхлэгчдийн зээлийн эргэн төлөх хугацааг уртасгаж, 8 жил болголоо.

Өөрийн танхимдаа томилж, дэмжиж ажилласан Монгол Улсын 34 дэх Ерөнхий сайд Гомбожавын Занданшатар, үргэлж дэмжиж, хамтран ажилласан манай салбарын хувийн хэвшил, хувь хүмүүс болон яам, харьяа байгууллагууд, орон нутгийн байгууллагууд, түүний удирдлага, нийт албан хаагчид Та бүхэндээ чин сэтгэлийн талархал илэрхийлж байна.

4 сарын хугацаанд 1 кг ноолуурын үнийг 200,0 мянган төгрөгт хүргэх олон жилийн зорилтыг биелүүлэв