УИХ-ын чуулганы /2026.05.28/-ны хуралдаанаар Хүүхдийн хөгжлийг дэмжих тухай хуулийн төсөл болон хамт өргөн мэдүүлсэн хуулийн төслийг хэлэлцлээ.

Хэлэлцэж буй асуудалтай холбогдуулан УИХ-ын гишүүн О.Батнайрамдал байр сууриа илэрхийллээ.

Хүүхдийн хөгжлийн хөгжлийг байнга дэмжинэ. Энэ хууль дээр нэг асуудал байна. Үүнийг заавал ярих ёстой. Энэ хуулийн дагалдан хууль дээр Үндэсний баялгийн сангийн тухай хуульд нэмэлт өөрчлөлт оруулах гэж оржээ. Ирээдүй өв санд хадгалагдах мөнгөний хуримтлагдсан хүүгийн 50-аас илүү хувийн хүүхдийн хөгжилд зарцуулна гэж бий. Ирээдүй өв сан гэдэг бол Үндэсний баялгийн сан. Үндэсний баялгийн санг хөндөхөөр үндсэн хуулийн зарчим заавал баримтлах ёстой болж таарна. Үндсэн хуулийн 6.2 дээр газрын хэвлийн баялгийг одоо болон ирээдүй үедээ тэгш шударга үндэсний баялгийн сангаар дамжуулж хүртээнэ гэж заачихсан.Ирээдүйдээ бид нар хадгална. Энэ бол цаашаагаа улам арвижиж байх ёстой юм.

Ирээдүй өв сан бол одоогийн хуулиар 2030 он хүртэл гар хүрч болохгүй. Арвижих боломжийг нь олгох ёстой. Одоогоор 6 их наяд төгрөг хуримтлагдчихсан. Үүний хуримтлагдсан хүүгийнх нь 50%-ийг нь авчихаар цаашаа арвижихгүй. М. Бадамсүрэн гишүүнарвижна гээд байна. Үгүй шүү дээ, арвижна гэдэг нь цаашаагаа хүүгийн хүү тооцоод, дахиж хөрөнгө оруулалт хийж, арвижих концепт юм. Ингэж байж Норвег болон бусад орны баялгийн сан шиг бидний арай ядан цуглуулсан 6 их наяд төгрөг 10,20,30 их наяд болж өснө. Бид нар хүүхдийн хөгжлийг, ахмадуудаа дэмжинэ гээд ирээдүй өв сангийн мөнгөнд хамаагүй хүрч болохгүй.

О.Батнайрамдал: Хүүхдийн хөгжлийг дэмжинэ гээд ирээдүй өв сангийн мөнгөнд хамаагүй хүрч болохгүй!